Kommunikasjonsrådgivar sårbar natur og villrein

Om avdelinga og fagområdet

Miljøvernavdelinga har ledig ei ny fast stilling som kommunikasjonsrådgivar. 

Vi er på jakt etter deg som er interessert i natur og forstår korleis kommunikasjon kan bidra til å ta vare på villreinen og naturen vår. 

Du har erfaring frå praktisk kommunikasjonsarbeid og er oppteken av å samordne bodskap og innhald på tvers av kanalar. Du likar å jobbe med folk og i nettverk med mange aktørar. 

Stillinga er knytt til Setesdal Vesthei, Ryfylkeheiane og Frafjordheiane (SVR), Lysefjorden og Jærstrendene. Du vil få ansvar for å bidra til utviklinga av ein felles nasjonal kommunikasjonsstrategi for villrein og verneområde.

I stillinga blir du ein del av eit større fagmiljø med dyktige kollegaer i eit godt arbeidsmiljø. Du vil jobbe med fagfolk innan naturforvalting og kommunikasjon i embetet vårt, og på tvers av geografi og forvaltningsnivå. 

Arbeidsstaden er Statens Hus i Stavanger. Stillinga høyrer til fagområde natur ved miljøvernavdelinga.

Arbeidsoppgåver

Du vil mellom anna:

• Bidra til å styrke formidlinga av kunnskap om villrein, verneområde og natur med mykje ferdsel på nettstader, i media, sosiale medium og andre relevante kanalar 
• Sørgje for at besøkande får god og treffsikker informasjon før og under besøket gjennom digitale kommunikasjonskanalar
• Bidra til utvikling og gjennomføring av ein felles nasjonal kommunikasjonsstrategi
• Ha dialog og samarbeid med reiseliv, friluftsorganisasjonar og andre viktige aktørar
• Sikre ein heilskapleg og samordna kommunikasjon om villrein og verneområde
• Utvikle og leggje til rette informasjon for verneområdestyre og autoriserte besøkssenter
• Delta i arbeid som krev noko reising og uteaktivitet

Kvalifikasjonskrav

Krav:

• Kommunikasjonsfagleg utdanning på minimum bachelornivå
  (relevant erfaring kan kompensere for utdanningskravet)
• Gode ferdigheiter i skriftleg og munnleg formidling, både på norsk og engelsk
• Erfaring med mediearbeid, nettarbeid og sosiale medium

Det er ein fordel om du også har:

• Ferdigheiter innan foto- og filmproduksjon
• Interesse for natur og friluftsliv
• Erfaring frå offentleg forvaltning

Personlege eigenskapar

Vi ser etter deg som:

• Jobbar sjølvstendig og tek initiativ
• Har gode samarbeidsevner og trivst i nettverk med mange aktørar
• Er fleksibel og løysingsorientert
• Er strukturert og har god gjennomføringsevne
• Kan gjere komplekse tema forståelege for ulike målgrupper
• Har god rolleforståing og evne til å navigere i eit komplekst aktørlandskap

Vi legg vekt på at du er personleg eigna for stillinga.

Førarkort klasse B er ein fordel. 

Vi tilbyr

• Lønn som rådgivar kr 620 000 - kr 750 000 pr år, avhengig av kvalifikasjonar og erfaring. For særleg godt kvalifiserte kan høgare lønn vurderast 
• Fleksibel arbeidstid og gode arbeidsvilkår i staten
• God pensjonsordning (det blir trekt 2% pensjonsinnskot frå lønna) gruppelivsforsikring og moglegheit for bustadlån gjennom Statens pensjonskasse. Les meir om ansatt godane på spk.no/medlemskap-i-spk
• Moglegheit for fagleg utvikling og kompetansebygging
• Varierte, interessante og samfunnsnyttige arbeidsoppgåver
• Triveleg arbeidsmiljø i Statens Hus sentralt i Stavanger 
• HjemJobbHjem-ordning 
• 6 månaders prøvetid i stillinga. 

Mangfold og inkludering 

Vi ønskjer eit mangfaldig arbeidsmiljø og oppmodar kvalifiserte kandidatar til å søkje, uavhengig av bakgrunn. Vi legg til rette ved behov.

Slik søkjer du

Alle som søkjer stillinga, må søke digitalt gjennom rekrutteringsportalen Jobbnorge. Du må laste opp relevante vitnemål og attester. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. 

 Offentleg søkjerliste blir utarbeidd etter søknadsfristen.  Dersom du ønskjer å reservere deg frå oppføring på offentleg søkjerliste må dette grunngjevast. Du vil få varsel dersom reservasjonen ikkje blir tatt til følgje.