Miljøterapeut

Om stillinga

Masfjorden kommune søker etter miljøterapeut i 100% fast stilling, med arbeidsstad for tida i Masfjorden bu- og aktivitetssenter 

 

Har du utdanning og interesse for miljøarbeid? Kan du tenkje deg å arbeide i vårt bu- og aktivitetssenter på Hosteland? Her har me godt tilrettelagte bueiningar, eigen aktivitetsavdeling og gode personalfunksjonar.

Me har ledig

100% fast stilling som miljøterapeut med høgskuleutdanning frå 18.01.2026.

Stillinga medfører turnusarbeid med dag og kveldsarbeid. I dag har me turnus med langvakter på inntil 14 timar, og gode friperiodar mellom arbeidsøktene.

Vakt kvar 6. helg pr. no.

Arbeidsoppgåver

• Gje tilrettelagde tenester til brukarane i samsvar med vedtak og plan for den enkelte 
• Fagleg og medisinsk oppfylging i samråd med heimetenesta og fastlege/spesialisthelsetenesta 
• Delta i arbeidsretta tiltak 
• Planlegge og gjennomføre felles aktivitetar 
• Tverrfagleg samarbeid med ergoterapeut, fysioterapeut, fastlege, heimetenesta mfl. 

Kvalifikasjonskrav miljøterapeut

• Helse- og sosialfagleg høgskuleutdanning på bachelor-nivå (vernepleie, ergoterapi, sjukepleie, sosialfag m.m) 
• Relevant erfaring ynskjeleg 
• Har gode norskkunnskapar, både munnleg og skriftleg. For framandspråklege er det krav om bestått norsk nivå B1 
• Førarkort klasse B

Personlege eigenskaper vil bli vektlagte. Menn vert oppfordra til å søkje.

Søkarar med fagbrev som helsefagarbeidar eller barne- og ungdomsarbeidar vil også kunne bli vurderte.

Krav til personlege eigenskapar:

• Du har gode evner til kommunikasjon, samarbeid og teamarbeid 
• Du er sjølvstendig i arbeidet 
• Du er tolmodig, ansvarsfull, tydeleg og strukturert 
• Du er fleksibel i forhold til oppgåveløysing 
• Du viser initiativ til å skape ein innhaldsrik og aktiv kvardag for brukarane 

Me tilbyr

• Løn etter tariff. 50 kroner ekstra pr. time i helgetillegg
• 10 000,- i turnustillegg for tilsette med høgskuleutdanning.
• Betalt lunsjpause
• God pensjonsordning, ulykkes- og gruppelivsforsikring
• Spennande fagleg arbeid som utfordrar og utviklar 
• Eit godt arbeidsmiljø med mykje moro
• Frå 2026 vil dei som bur i Masfjorden og oppfyller vilkåra få sletta 25 000 kroner av studielånet kvart år til ein har betalt ned heile gjelda. Les meir om den nye ordninga her

Politiattest

Den som vert tilsett må leggja fram politiattest ikkje eldre enn 3. månader.