Seksjonsleiar

Om stillinga

Møre og Romsdal politidistrikt søkjer fast seksjonsleiar for påtaleseksjonen i Ålesund.  Ei sentral rolle med ansvar for fag, leiing og resultat innan straffesakshandsaminga i distriktet.

Påtaleseksjonen i Ålesund har det største påtalemiljøet i distriktet og har òg ansvaret for påtalejuristane knytte til Felles straffesaksinntak (FSI). Dette stiller høge krav til påtaleleiing, juridisk kvalitet, tydelege prioriteringar og tett samhandling mellom påtale, etterforsking og etterretning.

Du vil ha det overordna ansvaret for personalleiing, fagleg utvikling og måloppnåing i påtaleseksjonen. Du blir ein del av leiargruppa i drifts­eininga og vil ha ei sentral rolle i å sikre at rolla og ansvaret til påtalemakta blir ivaretekne i den samla oppgåveløysinga i distriktet.

Rolla inneber tett samarbeid med leinga i etterforskings­einingane, leinga ved Felles eining for påtale (FEP) og andre sentrale fagmiljø hos oss.

Stillinga krev at du evnar å leie i eit landskap prega av kompleksitet, forventningar til kvalitet og framdrift, og behov for heilskapleg styring av straffesakskjeda. Du må kunne balansere omsynet til rettstryggleik, prioriteringar, samhandling og resultat.

Eininga har ansvar for å sjå til at gjeldande regelverk som straffeprosesslova, påtaleinstruksen, Riksadvokatens mål og prioriteringar og andre direktiv for straffesaksarbeidet blir etterlevd. 

Felles eining for påtale er samansett av tre påtaleseksjonar; Sunnmøre, Romsdal og Nordmøre, samt ein seksjon for administrative støttefunksjonar. 

Dette ser vi etter hos ein ny medarbeidar

Vi ser etter ein trygg, tydeleg og samlande leiar med solid påtaleerfaring og god forståing for samspel mellom påtale, etterforsking og etterretning.

Vi søkjer deg som evnar å kombinere eit strategisk blikk med operativ forståing, og som kan stå stødig i prioriteringar og krevjande avgjerder.

Vi legg vekt på at du opptrer profesjonelt og tillitsskapande, byggjer gode relasjonar internt og eksternt, og bidreg til eit inkluderande og utviklingsorientert arbeidsmiljø.

Vi er på jobb for eit trygt Noreg. Som ein del av politiet sitt viktige samfunnsoppdrag skal vi førebyggje og kjempe mot kriminalitet, skape tryggleik og ta vare på rettstryggleiken. Vi trur at mangfald bidreg til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse.

Sentrale arbeidsoppgåver

• leie og følgje opp medarbeidarar
• følgje opp delegert resultatansvar
• bidra til heilskapleg prioritering, ressursstyring og måloppnåing i straffesakskjeda
• bidra til godt samarbeid mellom påtaleseksjonane
• bidra til at etterforskinga blir styrt målretta, rettstrygg og i tråd med overordna prioriteringar
• delegert overordna ansvar for turnusarbeid, ferieplanlegging og overtidskontroll for felles påtaleining
• mediehandtering
• delegert ansvar for rekruttering, opplæring og vedlikehald av kompetanse
• sørgje for godt og effektivt samarbeid med interne og eksterne aktørar 
• byggje kultur for samarbeid, kvalitet, ansvarleggjering og aktivt medarbeidarskap
• byggje og halde ved like eit godt arbeidsmiljø 

Dette må du ha for å være kvalifisert:

Nødvendig:

• juridisk embetseksamen eller mastergrad i rettsvitskap med godt resultat
• omfattende påtaleerfaring 
• inngåande kunnskap og forståing for politiet og påtalemynda si rolle i samfunnet
• gode juridiske kunnskapar og eit godt juridisk skjønn
• plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jamfør politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga

Du må kunne bli sikkerheitsklarert på nivå Hemmelig etter sikkerhetsloven.

Ønskeleg:

• relevant leiarerfaring
• leiarutdanning
• kompetanse med mediehandtering
• kunnskap om HMS-arbeid, eller at slik kompetanse kan opparbeidast innan avtalt tid etter tilsetjing

Personlege eigenskapar

For å trives og lykkes i stillinga ser vi for oss at du:

• har evne til å motivere, setje retning, drive endring og skape resultat i samhandling med andre
• har god heilskapleg og strategisk forståing
• utviser tydeleg og trygg leiing og evnar å stå stødig i krevjande prioriteringar og avgjerder
• er samfunnsorientert og har forståing for eininga si rolle i politiet sitt samfunnsoppdrag
• er medarbeiderorientert med god evne til å motivere, støtte og utvikle andre
• har gode evne til kommunikasjon, samarbeid og relasjonsbygging

Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her.

Personlege eigenskapar vert særleg vektlagt i leiarstillingar.

Dette kan vi tilby om du vel oss

• ei utfordrande og utviklande leiarstilling for deg som vil vere med og forme politiet for framtida
• dyktige kolleger som vil ditt beste, både innan påtale, politi og sivil
• ein variert jobb der du vil få juridiske og strategiske utfordringar, saman med praktiske oppgåver
• fast stilling som seksjonsleiar med stillingskode SKO 0290 politiinspektør og løn frå kr. 1 075 000 til kr. 1 140 000. For særskilt kvalifiserte kan noko høgare lønnsplassering vurderast.
• godtgjersle etter gjeldande ATB, som for tida er kr. 44 708, og tillegg for eventuell turnusteneste 
• medlemskap i Statens pensjonskasse, med mellom anna gode pensjons- og forsikringsordningar les meir på www.spk.no. Det blir trekt to prosent frå løna til innskot i Statens pensjonskasse
• mogelegheit for trening i arbeidstida
• tilknyting til bedriftshelsetjeneste og fordelar ved å tilhøyre ei IA-bedrift 

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetjing, innvandrarbakgrunn eller hol i CV-en, er det høve for å kryssa av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju. 

Les meir om positiv særbehandling når man søkjer jobb i staten her. 

Opplysningane du gir, blir brukte til å utarbeida anonymisert statistikk som alle statlege verksemder i årsrapportane sine.

Video: https://www.youtube.com/watch?v=uUTjHmSB_Wc

Slik søkjer du 

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. 

Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.