Om stillinga 

Vil du jobbe for å gje elevar som kjem frå Ukraina ein god start i norsk skule? Gulen kommune, for tida ved Byrknes barnehage og skule, har ledig i inntil 50% mellombels stilling som tospråkleg lærar, frå 01.08.2025 - 31.07.2026. Me søkjer etter ein fagleg og dyktig lærar som beherskar ukrainsk og norsk.

Arbeidsoppgåver

Dei fire skulane i Gulen er relativt små 1-10- skular, kor dei ulike klassetrinna vekslar på å ha undervising åleine og saman med andre klassetrinn. I denne stillinga skal ein planlegge og gjennomføre tospråkleg opplæring i fag, og ha særskilt ansvar for norskopplæring. Vidare skal ein: 

• Følgje opp og bidra til elevane si språklege og faglege utvikling 
• Kartlegge, analysere og følgje opp elevane sin læringsprogresjon 
• Bidra til at elevane opplever ein trygg skulekvardag og rettleie i sosial kompetanse 
• Hjelpe elevane inn i klasse-og elevfellesskapet på skulen 
• Delta og bidra i eit lærande fellesskap på skulen 
• Andre oppgåver etter behov

Kvalifikasjonar 

• Godkjent undervisningskompetanse i grunnskulen (NOKUT-godkjenning/Direktorat for høyere utdanning og kompetanse for utanlandsk utdanning) eller utdanning som tospråkleg faglærar 
• Tydelig og trygg pedagog som bidrar til inkludering og gode læringsvilkår 
• Det er ein fordel om du har erfaring med undervising av minoritetsspråklege elevar 
• Du bør ha bestått norskprøve B, skriftleg og munnleg, dersom du er søkjar med ukrainsk eller annan ikkje-skandinavisk språkbakgrunn 
• Fordel med førarkort kl. B

Personlege eigenskapar 

• Er fagleg bevisst og har høg endringskompetanse 
• Har gode kommunikasjonsevner, samhandlar godt med elevane og er ein tydeleg klasseleiar 
• Samarbeider aktivt i det profesjonsfaglege fellesskapet om utviklinga av læringmiljø og læringsutbytte 
• Gode IKT- kunnskapar 
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering
• Løn etter tariff