Avdelingsleiar - 100% fast stilling

Om stillinga

Vi søkjer etter ein undervisningsleiar som ønskjer å jobbe med skuleleiing i eit hektisk og triveleg arbeidsmiljø og vere ein del av leiarteamet ved skulen.
Leiarteamet består av rektor og to avdelingsleiarar.

Til stillinga ligg det i dag 60% leiing og 40% undervisning, men fordelinga kan bli endra ut frå skulen sine behov.

Meland ungdomsskule ligg sentralt på Frekhaug, med kort avstand til Bergen og enkel tilgang til kollektivtransport som buss og hurtigbåt. Skulen vår har ein stolt historie og ei utruleg utsikt over fjorden og naturen som omgir skuleområdet. Med omtrent 200 elevar og eit personale på 34 dyktige medarbeidarar, er skulen vår prega av mangfald og fellesskap.

Vi er stolte av å vere ein MOT-skule med stort fokus på eit positivt og støttande læringsmiljø der vi  har som mål å skape ein trygg og triveleg skulekvardag for alle våre elevar. Inkluderande undervisning, den aktive eleven og relasjonskompetanse er viktige satsingsområde for oss, og me jobbar etter LK20 med fokus på organisasjonsutvikling og eit trygt profesjonsfellesskap der me reflekterer, vurderer og kontinuerleg forbetrar vår eigen praksis.

Arbeidsoppgåver

Som avdelingsleiar vil du vere ansvarleg for eit av skulen sine trinn. Saman med rektor vil du leie dei pågåande lærings- og  utviklingsprosessane på trinnet, i tillegg til å ha ansvar for den daglege drifta.

Du får ansvar for å følgje opp elevane som høyrer til ditt trinn, og du vil ha ansvar for dei tilsette som jobbar der.
Med hovudansvaret for fag- og resultatoppfølging, spesialpedagogisk og sosialpedagogisk arbeid, undervisning på eiga trinn, timeplanlegging og pedagogisk praksis som samsvarer med skulen og skuleeigar si målsetjing, vil du også delta i våre utviklingsgrupper og ressursteam.

Avdelingsleiarane på skulen har ansvar for fråværsoppfølging etter turnus.  

Kvalifikasjonskrav

Me ser etter deg som har relevant pedagogisk bakgrunn og erfaring, helst frå ungdomsskulen.
Du må ha kjennskap til Opplæringslova og anna relevant avtaleverk.
Leiarutdanning i skuleverket og/eller erfaring er ein fordel.
God kompetanse i norsk, både skriftleg og munnleg.
Du har god fagleg og digital kompetanse.

Personlege eigenskapar:

Me søkjer ein avdelingsleiar med gode relasjonelle ferdigheiter, eit positivt og reflektert syn på læring og elevane, og evna til å handtere travle dagar med respekt og forståing for enkeltelevar og kollegaer. Vidare må du vere tydeleg og kommunikativ i møte med elevar, føresette og kollegaer.

Me ser etter ein kandidat som trivst med sjølvstendig arbeid og samstundes er ein fleksibel lagspelar. Du bør ha ein strukturert og systematisk tilnærming til oppgåver, med evna til å løyse utfordringar kreativt. Høgt engasjement og lojalitet er nøkkelfaktorar, og me set stor pris på dei utmerka samarbeids- og kommunikasjonsevnene dine som vil bidra til eit positivt arbeidsmiljø.

Du må vere ein pådrivar i skulens utviklingsarbeid, nytenkande i organisering og drift av skulen,  engasjert i endringsprosessar og oppteken av forskingsbasert pedagogisk praksis.

Personlege eigenskapar vil bli vektlagt i rekrutteringsprosessen.

I tråd med opplæringslova vert det stilt krav om politiattest ved tiltrede

Vi tilbyr

Bli ein del av vårt inspirerande arbeidsmiljø med ei gruppe kollegaer som legg vekt på inkludering og arbeidsglede. Vi tilbyr ein spennande jobb med varierte oppgåver og optimale vilkår for fagleg utvikling.

Vårt engasjerte leiarteam har ikkje berre fokus på di faglege vekst, men også på elevens læring og trivsel. Saman utgjer vi eit kompetent profesjonsfellesskap, der fagleg dyktige medarbeidarar jobbar tett saman for å skape ein meiningsfull arbeidsatmosfære.

I tillegg bidrar ei fantastisk gruppe ungdom til eit positivt skulemiljø, og du vil oppleve støtte og oppfølging som nytilsett.

Vi legg stor vekt på di utvikling, med moglegheiter for relevant vidareutdanning og leiarutvikling.

Våre løns- og tilsetjingsvilkår overheld gjeldande lover og avtaleverk, og som ein IA-bedrift i Alver kommune forpliktar vi oss til å skape eit inkluderande arbeidsmiljø.

Bli med oss og forma di karriere i eit positivt, støttande og utviklingsorientert fellesskap!