Smittevernfagleg rådgivar

Vil du vere med å utvikle det systematiske smittevernarbeidet i kommunane i samarbeid med sjukehusa i Helse Vest?
 
Regionalt kompetansesenter for smittevern Helse Vest (RKS) lyser ut ei fast stilling som smittevernfagleg rådgivar i 50%, med moglegheit for utviding av stillingsprosent.
RKS har forskriftsfesta oppgåver i å samordne smittevernarbeidet, stimulere til aktivitet og fremje fagutvikling i helseinstitusjonane i det regionale helseføretaket. RKS skal og yte sakkunnig hjelp til andre helseinstitusjonar i det regionale helseføretaket, under dette smittevernrådgiving, overvaking, kompetansehevande tiltak for personell, forsking samt oppklaring av utbrot i samarbeid med Folkehelseinstituttet.
RKS består i dag av ein regional smittevernoverlege med fagansvar, ein overlege med særleg ansvar for arbeidet med regional antibiotikastyring, og to smittevernsjukepleiarar. RKS søkjer å utvide kollegiet med ein dyktig smittevernfagleg rådgjevar som kan styrkje det systematiske smittevernarbeidet i Helse Vest, særs ut mot kommunale institusjonar.
 
RKS er organisert i Forskings- og utviklingsavdelinga ved Haukeland universitetssjukehus. RKS er samlokalisert med lokalt smittevern Helse Bergen og Nasjonalt senter for antibiotikabruk i sjukehus (NSAS), som begge er organisert i seksjon for pasienttryggleik. Seksjonen har 27 medarbeidarar med ulik fagleg bakgrunn, som saman utgjer eit spennande og kompetent fagmiljø.

Arbeidsoppgåver

• Bidra til å innfri RKS sine oppgåver i samsvar med krav i forskrift for smittevern i helse- og omsorgstenesta
• Ha ansvar for at det blir utarbeidd tilbod om smittevernbistand til kommunar og kommunale institusjonar i helseregionen
• Bidra i arbeidet med regional antibiotikastyring i samsvar med nasjonalt planverk, særskilt mot kommunale helseinstitusjonar
• Bidra i arbeidet med å revidere, oppdatere og implementere regional smittevernplan Helse Vest
• Bidra til å samordne smittevernarbeidet i helseinstitusjonane i det regionale helseføretaket
• Representere RKS i regionale og nasjonale arbeidsgrupper for utvikling og implementering av kunnskap innan fagfeltet

Kvalifikasjonar

• Spesialsjukepleiar med relevant vidareutdanning, fortrinnsvis innan smittevern, infeksjons- eller intensivsjukepleie
• Erfaring frå klinisk arbeid i sjukehus eller kommunal helseinstitusjon og god forståing for organisering av helsetenesta
  
• Erfaring frå samarbeid og samhandling mellom sjukehus og kommunar
• Erfaring med systematisk forbetringsarbeid
• God munnleg og skriftleg formuleringsevne på norsk

Personlege eigenskapar

• Dyktig og engasjert fagperson med stor interesse for smittevernarbeid
• Kreativ og framoverlent lagspelar, som ser moglegheiter til å utvikle og forbetre fagområdet
• Strategisk og analytisk med god organisasjonsforståing
• Sjølvstendig, ryddig og systematisk, med evne til å gjennomføre
• Relasjonsbyggjar som verdset tverrfagleg samarbeid og samhandling

Vi tilbyr

• Fast 50% stilling, med moglegheit for utviding av stillingsprosent
• Spennande og utfordrande arbeidsoppgåver i ein seksjon med høgt fagleg nivå
• Eit sterkt fagmiljø med dyktige og kunnskapsrike kollegaer både lokalt, regionalt og nasjonalt
• Eit godt arbeidsmiljø
• Ei sjølvstendig stilling med rom for å utvikle det systematiske smittevernarbeidet ute i kommunane
  
• Fleksibel arbeidstidsordning, med moglegheit for heimekontor og god pensjons- og forsikringsordning
• Lønn etter avtale, men innanfor gjeldande tariff

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse

Kontaktinformasjon

Ingrid Smith, Seksjonsleiar, 92802540

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4970369904
Stillingsprosent: 50%
Fast
Søknadsfrist: 29.05.2025