Stilling ledig 100%

Modalen Kraftlag søkjer ingeniør med installatørpapir

Modalen Kraftlag skal tilsetja ein ingeniør med godkjende installatørpapir. Arbeidet omfattar leiing, drift, vedlikehald og nybygging av linjenettet, samt oppfølging av eksisterande kraftverk og nye småkraftverk.

Stillinga er svært allsidig og vil innehalda oppgåver innan elektro, mekanisk og anlegg, i tillegg til leiing og driftsrelaterte arbeidsoppgåver. Den som vert tilsett, vil inngå i kraftlaget si vaktordning for linjenettet og kraftstasjonane.

Som eit lite kraftlag er me særleg avhengige av tilsette med brei fagkompetanse, som kan arbeida både sjølvstendig og i tett samarbeid med andre. Regional tilhøyrsle vil vera ein fordel. Stillinga krev fysisk tilstadevering på kontoret i Modalen, men delar av arbeidet kan utførast frå heimekontor.

Kvalifikasjonar (fortrinnsvis):

• Elektroingeniør eller teknisk fagskule med relevant tilleggsutdanning

• Godkjenning som elektroinstallatør

• Fagbrev som energimontør/elektrikar

• Minimum 5 års erfaring, gjerne frå kraftbransjen

• Erfaring med leiing og prosjektarbeid

• Erfaring frå kraftverk og nett er ein fordel

• God forståing for HMS

• Gode norsk kunnskapar, både munnleg og skriftleg

• Førarkort klasse B. Klasse BE og C er ein fordel

Kontakt og søknad

Spørsmål om stillinga kan rettast til post@modalenkraftlag.no eller tlf. 952 26 085 (Simon Flatekval).

Søknad sendast til post@modalenkraftlag.no innan 10. mars 2026.