Seksjonssjef

Til deg som ønskjer leiarstilling i ei verksemd med det viktigaste samfunnsoppdraget Bufetat, region vest

Ved Barne-, ungdoms- og familieetaten, region vest, er det ledig fast 100 % stilling som seksjonssjef i stab, seksjon fagleg støtte.
Bufetat sitt samfunnsoppdrag er vekst og utvikling for born, unge og familiar. Vi jobbar etter verdiane respekt, openheit og deltaking. Vi søkjer deg som har lyst til å vere med å utvikle våre tenester for born, ungdom og deira familiar og bidra til strategisk leiing av regionen.

Stillinga er for tida lagt til Bufetat, region vest med arbeidsstad i Bergen. Stillinga inneber noko reising, men etaten har digitale løysningar i alle tenesteområda. Seksjonssjef rapporterar til stabsdirektør, og inngår i  stabsleiinga i regionen.

Arbeidsoppgåver

Til stillinga ligg for tida leiing av seksjon fagleg støtte som pr i dag har 9 medarbeidarar med fagleg bakgrunn innafor jus, familievern og barnevern.

Du vil ha ansvar for å:

• Leie rådgjevarar og seniorrådgjevarar i seksjonen.
  
• Sikre at faglege og driftsmessige mål vert nådd i seksjonen.
  
• Omsette nasjonale føringar til regionale handlingsplanar og forslag til tiltak.
  
• Bidra til å utvikle samarbeidet internt og eksternt.
  
• Delta i stabsdirektøren si leiargruppe og bidra til strategisk utvikling i regionen, etter bestillingar frå regionleiinga.

Kvalifikasjonar

Vi søkjer deg som har:

• Relevant utdanning frå universitet eller høgskule tilsvarande mastergrad.
• Relevant utdanning kan til dømes vere innan rettsvitskap (jus),  psykologi, statsvitskap, barnevern eller liknande.
• Erfaring frå offentleg sektor er ein fordel.
• Utdanning innan leiing eller tilleggsutdanning innan leiing.
• Leiarerfaring.
• Samfunnsfagleg forståing og innsikt i offentleg forvalting.
• Særs god skriftleg og munnleg framstillingsevne.
• Du må kunne nytte relevante fag- administrative IKT-system på ein effektiv måte.

Personlege eigenskapar

Vi ønskjer deg som:

• Er engasjert og trygg i leiarrolla, og som blir motivert av vårt samfunnsoppdrag og våre verdiar.
  
• Er utviklings- og løysingsorientert.
  
• Har høg arbeidskapasitet og likar å handtera mange og komplekse oppgåver i eit høgt tempo.
  
• Er strukturert og analytisk og har evne til å tenkje heilskap og tverrfagleg.
  
• Skapar framdrift og har gjennomføringskraft og veit korleis ein førebur, set i gang og følgjer opp endringsprosjekt -og prosesser.
  
• Har evne til strategisk planlegging.
  
• Er dyktig på å motivere og utvikle gode strukturar for samarbeid og prioritering.
  

Vi tilbyr

• Stillinga er plassert i statleg lønsregulativ i stillingskode 1211 seksjonssjef, med løn p.t. frå kr 900 000 – 980 000 pr. år.
• Løn vert vurdert etter utdanning og erfaring. For særskilt godt kvalifiserte søkjarar, kan høgare løn avtalast.
• Medlemskap i Statens pensjonskasse jf. Lov om Statens pensjonskasse, som inneber ei god tenetstepensjonsordning, moglegheit for tilbod om boliglån til konkurransedyktige vilkår, samt yrkesskade- og gruppelivsforsikring.

• I tillegg kan vi freista med ein spanande arbeidsstad, med eit godt fagmiljø og gode utviklingsmoglegheiter.
  
• Du får vere med på å løfte oss slik at vi kan gi barn og unge og familiar eit enda betre tilbod.
  
• Høve til å trena inntil ein time i veka i arbeidstida.
  
• Godt tverrfagleg miljø.
  
• Du blir ein del av ei leiargruppe med ambisjonar om å arbeide saman som eit team.
• Omvendt referansesjekk

Opplysningar til deg som søker:

• Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
  
• Stillinga er for tida lagt til Seksjon for fagleg støtte. 
  
• Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.
  

Søknad med CV skal sendast elektronisk via lenke på denne sida.

For å bli vurdert som søkjar, må du leggja ved relevante vitnemål og attestar med stadfesta stillingsstorleik. Vitnemål for utdanning teke i Noreg skal lastast opp frå Vitnemålsportalen. Har du utdanning frå utlandet må du leggja ved godkjenning frå Direktoratet for høgare utdanning og kompetanse/NOKUT.

Kontaktinformasjon

Alette Hilton Knudsen, Stabsdirektør, 91 33 70 60
Sigrid Helleland, Seksjonssjef HR, 46 61 89 47

Arbeidssted

Solheimsgaten 11
5058 Bergen

Nøkkelinformasjon:

Arbeidsgiver: Bufetat

Referansenr.: 5055516330
Stillingsprosent: 100%
Fast
Søknadsfrist: 05.01.2026