Helsefagarbeidar 100% fast i turnus med hovedvekt av langvakter

Om stillinga

Me søkjer ein engasjert og fagleg dyktig helsefagarbeidarar til fast tilsetjing. Arbeidet går ut på å gje trygg helsehjelp og praktisk bistand etter vedtak, i heimen til menneske med nedsett funksjonsevne. 

Stillinga er fast 100 % med arbeid kvar fjerde helg, hovedsakleg langvakter med innslag av nokre ordinære vakter i årsturnus. Her får du eit meiningsfylt arbeid der du blir ein del av ei trivelig og støttande personalgruppe. Stillinga er ledig frå 01.09.2026 eller etter avtale.

Om oss 

Hannesvegen bustader ligg sentralt på Manger, og er ei avdelinga som består av fleire bustadgrupper. Tenestemottakarane har ulikt funksjonsnivå og hjelpebehov. 

Målet er å gje tenester av god kvaltiet for å sikre ein best mogeleg kvardag for den einskilde. Arbeidsmiljøet er prega av sterkt engasjement for tenestemottakarane, og dyktige medarbeidarar som har omsorg for både tenestemottakarane og kvarandre. 

Hjå oss arbeider det miljøterapeutar, hjelpepleiar/helsefagarbeidarar, vernepleiarstudent og assistentar. 

Arbeidsoppgåver

• Gje heilskapleg helsehjelp og praktisk bistand tilpassa individuelle vedtak
• Skape tryggleik, struktur og gode dagar gjennom målretta miljøarbeid
• Vere primærkontakt og ha ei sentral rolle i oppfølginga av tenestemottakarar
• Rettleie elevar og lærlingar, og bidra til læring og fagleg utvikling i avdelinga
• Sikre god og presis dokumentasjon i elektronisk journalsystem
• Handtere medikament på ein trygg og fagleg forsvarleg måte
• Følgje opp vedtak etter helse- og omsorgstenestelova kapittel 9
• Samarbeide tett med kollegaer, pårørande og andre fagpersonar for å gi best mogleg oppfølging

Kvalifikasjonskrav

• Offentleg godkjend helsefagarbeidar/ hjelpepleiar
• God norsk munnleg og skriftleg framstillingsevne 
• Førarkort klasse B

Det er eit føremon om du har:

• Erfaring frå arbeid i tenesteyting til mennesker med nedsett funksjonsevne er eit føremon
• Erfaring med målretta miljøarbeid
• Erfaring med HOL kap. 9

Kven er du?

• Du har gode relasjonelle ferdigheiter og evne til å skapa tillit over tid.
• Du er tygg i deg sjølv, handterer krevjande situasjonar med ro og tydelegheit, og tek kloke avgjerder under press. 
• Du har gode kommunikasjonsevner og ser betydninga av både små og store augneblinkar i relasjonsbygging.
• Du ser moglegheiter der andre ser utfordringar.
• Du har evne til etisk og fagleg refleksjon
• Du har interesse og engasjement for brukargruppa.
• Du er fleksibel og løysingsorientert

Me søkjer deg som trivast med å arbeide planbasert, men som også taklar at arbeidsdagen kan endre etter opprinneleg plan. Du evner å vere sjølvstendig og handlekraftig, og skape tryggleik for våre tenestemottakarar. 

Me tilbyr

• Ein meiningsfull jobb der du kan gjere ein konkret forskjell i livet til andre!
• Eit godt fagmiljø med oppfølging, rettleiing og støtte i kvardagen
• Nærverande leiing som ser deg og støttar deg i arbeidshandteringa
• Årsturnus med moglegheit for innspel på eiga arbeidstid
• Gratis parkering
• Løn for helsefagarbeidar frå kr 475 300 til kr 551 100, avhengig av lønsansiennitet
• God pensjonsordning i KLP
• Moglegheit til å arbeide i ein organisasjon med eit viktig samfunnsoppdrag

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. I Habiliteringstenesta arbeider me med vår digitale kompetanse, og nyttar teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Me er Alver

Me får vere der frå aller fyrste stund, og vi får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede

Om Habiliteringstenesta 

Habiliteringstenester i Alver kommune gjev tenester til personar med nedsett funksjonevne/
utviklingshemming. Tenestene vert gitt i den einskilde sin heim, ved arbeids- og aktivitetsenter, 

og som ulike former for avlasting for familiar med born/unge med omfattande behov for omsorg. Inn under habiliteringstenestene finn ein også støttekontaktteneste og koordinatorar for Individuell Plan.