Driftsoperatør 

Om stillinga

Me har ledig fast 100% stilling som driftsoperatør. Vi søkjer etter deg som har eit ynskje om å vere med på laget og drifte Aurland kommune sine vegar, parkeringsanlegg og andre anlegg. Stillinga ligg under kommunalområdet samfunnsutvikling, avdeling teknisk drift.

Driftsavdelinga har 10 tilsette som driftar ansvarsområder som:  kommunale bygg, uteområde, kommunale vegar, parkar, vatn og avløp. Driftsoperatøren inngår i eit arbeidslag, der arbeidsoppgåvene vert fordelt etter kompetanse.

Frammøte er ved brannstasjonen \ rutebilstasjonen, der driftsavdelinga har hovudbase. 

Arbeids- og ansvarsområde

Driftsoperatør inngår i eit team med ansvar for områda som veg- og parkordninga driftar, der arbeidsleiar veg er leiar.

 Desse arbeidsoppgåvene ligg til stillinga:

•  generell oppfølging, utvikling, drift og vedlikehald av kommunen sine vegar, parkeringsareal, parkar, anlegg og friluftsområde.
•  delta i vaktordning for snøbrøyting.

I tillegg bør du vere villig til å delta i  Aurland brannvern.

Me tilbyr

• Ei utfordrande stilling med moglegheit for utvikling og fagleg påverknad 
• Bli ein del av ein triveleg arbeidsplass der arbeidsmiljø står i sentrum 
• Gode pensjons- og forsikringsordningar 
• Løn etter tariff 
• Gratis inngang til treningsrom i Aurlandshallen 
• Gratis inngang til symjehallen (etter kl. 20.00) 
• Hjelp til å skaffe bustad 
• Hjelp til å skaffe jobb til partnar 

Sjå gjerne informasjonsbrosjyre om kommunen vår her.

Kvalifikasjonar

• fagbrev innan mekaniske fag
• andre fagbrev eller anna utdanning kan vere relevant
• erfaring med bruk av relevant utstyr og maskiner
• førarkort for personbil og traktor, i tillegg er det ønskeleg med førarkort for tyngre køyretøy

Personlege eigenskapar

Me håpar du har desse eigenskapane:

• er serviceinnstilt
• er god på praktisk problemløysing
• er kreativ og nytenkande 
• har gode samarbeidsevner
• har godt humør og "stå på" vilje

Våre verdiar er:  L-Æ-R, som står for Likeverd, Ærlegdom og Respekt.

Løns- og tilsetjingsvilkår

• tilsetting, løn og arbeidsvilkår er i samsvar med gjeldande lovver, reglement og tariffavtale.
• gode pensjons- og  forsikringsordningar

Krav til språk

Du bør kommunisere godt på norsk, både munnleg og skriftleg. Aurland kommune nyttar nynorsk som målform.

Generell informasjon 

Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg. 

Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. 

Me ynskjer deg velkomen som arbeidssøkar i Aurland kommune.