Misjonskonsulent i 50% vikariat

Misjonskonsulent (50% vikariat) i Region Møre - NMS

Er du engasjert, omgjengeleg og brenn for misjon?
Bli med på laget i Det Norske Misjonsselskap (NMS) og ver med på å gjere ein forskjell! Vi søkjer ein dyktig misjonskonsulent til 50% vikariat i vår region Møre, som omfattar Sunnmøre, Romsdal og Nordmøre.

Om stillinga:
Som misjonskonsulent i Region Møre vil du ha ei sentral rolle i arbeidet med å rekruttere, engasjere og følgje opp frivillige. Du vil samarbeide tett med tilsette i NMS, NMSU, NMS Gjenbruk og Kjeldsund leirstad for å legge til rette for både nye og eksisterande misjonsfellesskap og eit levande og vitalt frivillighetsarbeid i regionen. Arbeidet ditt vil bidra til å gjere misjonsarbeidet meir synleg og engasjerande i regionen, og du vil vere med på å formidle viktige misjonsbodskap til ulike målgrupper.

• Rekruttering og oppfølging: Rekruttere, kurse og følgje opp frivillige og frivillighetsteam som ynskjer å bidra til misjonsarbeidet.
• Tilrettelegging av fellesskap: Støtte eksisterande misjonsforeiningar og leggje til rette for nye småfellesskap (misjonsforeiningar).
• Formidling: Forkynne og formidle misjonsinformasjon på ulike arenaer, og bidra til å synleggjere NMS sitt arbeid.

• Relevant utdanning og erfaring med leiing av frivillige
• Misjonsengasjement, stor relasjonell kapasitet og god formidlingsevne.
• Evne til å arbeide sjølvstendig, målretta og strukturert.
• God kjennskap til kyrkje- og organisasjonsliv
• Erfaring med administrative oppgåver og bruk av dataverktøy.

• Ein spennande og variert arbeidskvardag i ein internasjonal organisasjon
• Eit godt arbeidsmiljø med engasjerte kollegaer
• Moglegheit for heimekontor etter avtale
• Løn etter NMS sitt regulativ

• Søkjaren må disponere bil, då reising i regionen er ein naturleg del av stillinga.
• Søkarar må vere personleg eigna for stillingane.
• Du må kunne identifisere deg med NMS sine grunnsyn.

Om NMS:
Det Norske Misjonsselskap (NMS) er ein av Norges største misjonsorganisasjonar, og vi samarbeider tett med Den norske kyrkja. I NMS er målet vårt å skape eit verdig liv og eit varig håp ved å dele tru, utrydde fattigdom og bekjempe urettferd. I NMS blir du ein del av eit verdsomspennande fellesskap.

Vikariatets varighet vil være frem til september.

Vi ser fram til å høyre frå deg!