Er du jurist som vil  jobbe  for  demokrati og offentlegheit?

Mattilsynet er eit landsdekkande statleg tilsyn med ansvaret for heile verdikjeda frå fjord og jord til bord. Visjonen vår er: Saman tryggjar vi framtida for menneske, dyr og natur.    
Vi er ein etat med eit viktig samfunnsoppdrag, og mange er interesserte i sakene våre. Derfor får vi mange innsynskrav i dokumenta våre. Vi er eit team som handterer innsynskrava og som saman har ansvaret for å vurdere og behandle krav om innsyn på vegner av tilsynet. 
Innsynsteamet er plassert i avdeling innsyn og søknader i tilsynsdivisjon landdyr og slakteri.  Som medlem i teamet vil du også ha høve til å bidra til utvikling av rutinar og prosessar. Avhengig av behov kan det også bli aktuelt med andre saksbehandlingsoppgåver innanfor ansvarsområdet til avdelinga.  
Hos oss blir du ein del av eit engasjert fagmiljø med takhøgde for diskusjonar og spørsmål. Du vil gjennom saksbehandlinga få eit godt innblikk i ansvarsområda til Mattilsynet og bidra til at vi legg til rette for openheit og innsyn, samtidig som vi sikrar at vi overheld teieplikt og tek personvernomsyn. 
Kontorstad i Oslo, Bergen eller Tromsø. Kontorstad ved andre av Mattilsynet sine kontor kan vera aktuelt etter avtale. 
 
Arbeidsoppgåver   

• Behandle innkomne innsynskrav etter reglane i offentleglova, forvaltingslova og GDPR 
• Behandle avvik og klager til avslag i innsynskrav 
• Ha dialog med dokumenteigarar og saksbehandlarar i Mattilsynet 
• Ha kontakt med brukar dersom det er behov for oppklaringar 
• Ha dialog med samarbeidande etatar 
• Dialog med interessentar av innsynskrav 
• Jobbe med forbetringar av rutinar og prosessar for å handtere innsynskrav 
• Jobbe saman med andre i innsynsteamet og kvalitetssikre avgjerdene 
• Andre oppgåver tilknytte ansvarsområdet til avdelinga ved behov 

 
Kvalifikasjonar   
Du må ha: 

• Juridisk embetseksamen / mastergrad i rettsvitskap 
• God munnleg og skriftleg framstillingsevne på norsk 
• Interesse for og kjennskap til forvaltingsrett, offentleglova og GDPR 

 
Det er ein fordel om du også har: 

• Erfaring med saksbehandling i offentleg forvalting 
• Interesse for offentlegheit i samfunnet 
• Interesse for digitalisering og teknologi 

 
Personlege eigenskapar   

• Du er strukturert, fleksibel og nøyaktig. 
• Du må trivast med rutineoppgåver, samtidig som du kan bidra til utvikling av rutinar og prosessar. 
• Du har gode samarbeidsevner og trivst godt med å jobbe i team, men kan også jobbe godt sjølvstendig. 
• Du set deg raskt inn i aktuelle saksbehandlingssystem og digitale verktøy.  
• Du er effektiv, samtidig som du varetar rettssikkerheit og samfunnsoppdrag. 

 
I vurderinga av kandidatar vil vi legge vekt på personlege eigenskapar.    
 
Vi tilbyr   

• Fast stilling som rådgivar (stillingskode 1434)  eller seniorrådgivar (stilingskode 1364)  med  lønn etter  avtale, avhengig av utdanning, erfaring og kompetanse. For tida frå kr  650 000  til  kr 800 000 for  tilsvarande stillingar i Mattilsynet. For spesielt kvalifiserte søkarar kan vi vurdere høgare lønn.   
• Ein arbeidsplass der vi  samarbeider  og  hjelper  kvarandre 
• Arbeid med eit spennande og viktig samfunnsoppdrag 
• Gode arbeidstidsordningar  (fleksibel arbeidstid,  sommartid  og vintertid),  og moglegheit for heimekontor  etter  nærare avtale med leiar 
• Medlemskap i Statens pensjonskasse med gode pensjons-, låne- og forsikringsordningar.  

 
Kontaktinformasjon: Ta gjerne kontakt med avdelingsleiar Kristin Lervåg på telefon 92 05 68 50, om du har spørsmål om stillinga.  
 
Slik søker du  
Vi tek berre imot søknader elektronisk. Vi ber om at du lastar opp vitnemål via Vitnemålsportalen. Dette sikrar ei enkel og sikker overføring av dokumenta dine. For meir informasjon om korleis du bruker Vitnemålsportalen, besøk vitnemålsportalen.no Søkarar som ikkje har moglegheit for det, legg inn attestar og vitnemål som vedlegg til søknaden. For å bli vurdert må du laste opp vitnemål/karakterutskrift.   
Vi håper å høyre frå deg!