Har du lyst til å gjera ein forskjell gjennom gode måltid? Me søkjer etter deg!

Er du ein kokk som brenn for god, næringsrik og heimelaga mat? Vil du bruke fagkunnskapen din til å gjera ein forskjell i kvardagen til både bebuarar og heimebuande? Då kan dette vera jobben for deg!

Hjelmeland omsorgssenter søkjer etter ein dyktig og engasjert kokk til dagleg matproduksjon i 85 % stilling, med moglegheit for 100 % stilling.

Arbeidstid er på dagtid.

Kjøkkenet ved omsorgssenterret  står for matproduksjon til fleire brukargrupper, mellom anna bebuarar i omsorgsbustader, korttidsavdeling, heimebuande,  institusjon, dagsenter samt  personal- og kantineteneste. Me legg vekt på å servera næringsrik, smakfull og variert mat tilpassa ulike behov. Me produserer mat etter kok/kjøl- metoden.

Omsorgssenteret ligg sentralt på Hjelmeland med flott natur og fine turområder, og arbeidsplassen har eit godt arbeidsmiljø og tett samarbeid på tvers av avdelingar.

Me søkjer etter ein person som
- er engasjert og fagleg trygg i rolla som kokk
- er strukturert, sjølvstendig og ansvarsbevisst
- er serviceinnstilt med fokus på kvalitet og gode måltidsopplevingar
- er god på samarbeid og har positiv innstilling
- er fleksibel og løysingsorientert i ein variert arbeidskvardag

Arbeidsoppgåver
- inngå i matproduksjon ved kjøkkenet, inkludert pakking av mat
- tilbereding og produksjon av måltid til ulike brukargrupper
- planlegging av menyar i tråd med gjeldande kosthald- og ernæringskrav
- tilrettelegging av mat for ulike behov og diettar
- utføra oppgåver i samsvar med IK-Mat og gjeldande hygienekrav
- samarbeid mellom avdelingar
- reinhald, orden og anna førefallende arbeid på kjøkkenet

 Kvalifikasjonar:
- fagbrev som kokk, men andre med relevant erfaring kan og søkje
- gode kunnskapar om ernæring, allergiar og spesialkost
- må beherske norsk både munnleg og skriftleg
- førarkort kl. B er ein fordel

Me tilbyr:
- godt arbeidsmiljø og varierte arbeidsoppgaver
- løn etter gjeldande avtaleverk
- pensjon og forsikringsordning etter tariffavtale
- ulike rekrutteringstiltak, som m.a. etableringspakke for nyutdanna og nytilsette
- gratis barnehage

I Hjelmeland kommune jobbar me aktivt for å byggja heiltidskultur. Gjennom lokal erklæring om heiltid skal me redusera deltidsstillingar og tilby 100 % stilling som hovudregel. 
Hjelmeland kommune er opptekne av mangfald og me oppmodar kvalifiserte kandidatar til å søkje jobb hjå oss uavhengig av alder, kjønn, funksjonsevne, nasjonal eller etnisk bakgrunn. 

Politiattest
Ver merksam på at me krev politiattest for alle som skal ha arbeidsplassen sin i barnevern, helse og omsorg, skule og barnehage, brann og redning.

Elektronisk søknadsprosess
Hjelmeland kommune nyttar elektronisk søknadsprosess. Du finn informasjon om korleis du søkjer på ei ledig stilling her.
Det er viktig for vidare handsaminga av din søknad at du legg inn alle relevante data. Det er høve til å leggja ved attestar og vitnemål i søknadsprosessen.
Ved ettersending av attestar og vitnemål bruk sikker opplasting på kommunens heimeside. 

Viss du har spørsmål til søknadsprosessen, kan du kontakte personalavdelinga via kundesenteret på tlf. 51 75 70 00.