Arbeidsoppgåver

Det er ledig 100 % fast stilling som saksbehandlar i tingretten, med arbeidsstad på Stord.   

Arbeidsdagen i tingretten er travel og innhaldsrik med mange og varierte oppgåver.

Arbeidet som saksbehandlar består i førebuing, gjennomføring og etterarbeid av sakene. Det skjer i  samarbeid med dommar,  aktørane i sakene og andre brukarar av domstolen. Som saksbehandlar vil du bidra til aktiv saksstyring og saksavvikling. Det må påreknast å jobbe innanfor ulike saksfelt.  

Aktuelle saksfelt kan vera saksbehandling innanfor sivile og -straffesaker, konkurs, arv og skiftesaker.

I tillegg kjem fellesoppgåver for saksbehandlarane.  

Kvalifikasjonskrav

Vi jobbar kontinuerleg med forbetringar og effektivisering av arbeidet. Ein føresetnad for å fylle stillinga er at du har erfaring med og kompetanse i å bruke digitale verktøy.

 Det er ein føresetnad at du er serviceinnstilt med godt humør og har gode evner til munnleg og skriftleg framstilling. Vidare søkjer vi etter deg som arbeider effektivt, er nøyaktig, fleksibel og har gode samarbeidsevner.

Du må ha utdanning på høgskulenivå, eventuelt 3-årig vidaregåande skule og lang relevant praksis. Tingretten legg vekt på breidde og mangfald i arbeidsmiljøet, og oppmodar kvalifiserte kandidatar til å søkje uavhengig av alder, kjønn, etnisitet og funksjonsevne.

Vi tilbyr

Stillinga som førstekonsulent (1408) blir ved tiltreding lønna frå kr. 550 000 - kr.590 000 brutto per år avhengig av kvalifikasjonar. Frå dette blir det trekt vanleg innskot til Statens pensjonskasse. Arbeidstida følger normalarbeidstida i staten. Prøvetida er seks månader. Tiltreding etter avtale.

Du vil arbeide i eit godt arbeidsmiljø med hyggelege kollegaer. Det vil bli gitt god og fagleg opplæring og du vil ha eit tett samarbeid med dommarar og andre saksbehandlarar, samt eksterne aktørar.

Det er eit personalpolitisk mål at arbeidsstaben skal spegle befolkningssamansetninga generelt.

Spørsmål om stillinga

Nærare opplysningar hos administrasjonssjef Geir Ståle Nordstrøm, tlf. 99 44 74 90/ 52 70 14 59. Søknad og CV med vitnemål og attestar skal sendast via Jobb Norge.