Er du interessert i å arbeide for og med andre menneske, i lag med gode kollegaer, kan Heimetenesta i Rauland vera staden for deg!
I 2024 blei Rauland omsorgssenter bygd om og rehabilitert, og me har fått rom til å auke til 16 bebuarar. I tillegg har me fleire tilsette som går av med pensjon, og dermed har me behov for fleire tilsette. 

Me søkjer med dette etter helsefagarbeidarar til 3 stillingar. Stillingane er frå 60-80%. Turnusen er todelt med arbeid kvar tredje helg.

Arbeidsoppgåver

• Utføre pleie- og omsorgsoppgåver, som personleg hygiene, påkledning og stell til bebuarar inne på omsorgssenteret og til heimebuande
• Bistå bebuar med til dømes måltid og andre praktiske daglege gjeremål
• Deltaka i rehabiliterande arbeid, og støtte bebuar i å oppretthalde sjølvstende, trivsel og tryggleik i sin kvardag
• Tilretteleggje for at bebuar får delta i sosiale aktivitetar
• Dokumentere i tråd med gjeldande rutiner og krav
• Samarbeide med pårørande, kollegaer og anna helsepersonell
• Bidra til eit godt arbeidsmiljø gjennom fagleg og personleg engasjement

Kvalifikasjonar

• Fagbrev som helsefagarbeidar
• Relevant erfaring frå liknande arbeid
• Gode norskkunnskapar, både munnleg og skriftleg - minimum nivå B2
• Førarkort klasse B, og køyreferdigheiter for fire årstider
• Grunnleggjande IT- ferdigheiter, for dokumentasjon og bruk av journalsystem
• Gyldig politiattest, ikkje eldre enn 3 mnd.
  

Personlege eigenskapar

• Du trivst i arbeid for og med menneske, der du set bebuaren sine behov i sentrum
• Du møter andre menneske med respekt og omsorg
• Du er påliteleg og tek ansvar for dine oppgåver
• Du kan tilpasse deg endringar i arbeidsoppgåver og arbeidsmiljø
• Du likar å lære, og er nysgjerrig på ny kunnskap
• Du kan jobbe sjølvstendig og i team, og har gode samarbeidsevner
• Du har gode kommunikasjonsevner og kan tydeleg uttrykkje deg, både munnleg og skriftleg 
• Du er positiv og løysingsorientert
• Du må ha fylt 18 år

Det vil bli lagt vekt på personleg eignaheit. 

Vi tilbyr

• God forsikrings- og pensjonsordning
• Løn etter lokal tariff
• Godt læringsmiljø med gode kollegaer
• Opplæring og rettleiing i tenesta
• Aktivitetskortordning med gåvekort, og mogelegheit for å vinne flotte premiar
  
• Ved heimetenesta i Rauland vil du møte ein triveleg gjeng som er opptatt av å gje gode kvardagar for sine bebuarar.

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Hege Rorgemoen, Avdelingsleiar Rauland heimetenester, +47 48210156

Arbeidsstad

Setali 6A
3864 Rauland

Nøkkelinformasjon:

Arbeidsgivar: Vinje kommune

Referansenr.: 4916312309
Stillingsprosent: 60%
Fast
Startdato: 01.04.2025
Søknadsfrist: 20.02.2025