Intensivsjukepleiar

Vil du vere ein del av eit sterkt fagmiljø der pasientsikkerheit, kompetanse og samarbeid står i sentrum?

Intensivseksjonen ved Ålesund sjukehus har no ledig ei 100% fast stilling.

Intensivseksjonen i Ålesund er ein beredskapsavdeling med høg fagleg standard og eit engasjert team. Vi behandlar kritisk sjuke pasientar og deltek i hjartestans-, slag-, barn-, MIT-, traume- og MET-team. Hos oss får du:

• Variert og utfordrande arbeid med intensiv- og overvåkingspasientar.
  
• Sterkt fagmiljø med fokus på simulering, kompetanseutvikling og tverrfagleg samarbeid.
  
• Moglegheit til fagleg vekst gjennom kurs, fagdager og spesialisering.
  
• Trygg og inkluderande arbeidskultur der vi støttar kvarandre og jobbar saman for pasientane.

Intensivseksjonen er ein del av Klinikk Ålesund sjukehus og omfattar Kirurgisk intensiv, Postoperativ seksjon og Medisinsk intensiv/hjarteovervaking. Som intensivsjukepleiar hos oss, vil du bli ein del av eit sterkt fagmiljø som samarbeider i team med andre faggrupper som til dømes anestesilegar, medisinarar, kirurgar, fysioterapeutar og fleire. Vi set fag i fokus og god opplæring vert prioritert.

Vil du arbeide saman med oss i eit spanande fagfelt? Send oss ein søknad i dag!

Arbeidsoppgåver

• Sjukepleie til intensivpasientar, OVA og postoperative pasientar
  
• Det blir arbeidd for fleksibelt og nært samarbeid på tvers av faggruppene og einingane
  
• Å kunne fungere godt i teamarbeid er viktig, saman med høg fagleg interesse og evne til samarbeid

Kvalifikasjonar

• Norsk autorisasjon som sjukepleiar er eit krav
  
• Vidareutdanning som spesialsjukepleiar i intensiv er ein fordel
  
• Sjukepleiar under vidareutdanning innan intensivsukepleie kan også søkje og bli vurdert
  
• Må beherska norsk skriftleg og muntlig

Personlege eigenskapar

• Du må ha gode samarbeidsevner
  
• Du bør vere strukturert og ansvarsbevisst
  
• Du bør vere fleksibel
  
• Du må kunne trivast i eit aktivt og travelt miljø
  
• Du bør vere fagleg engasjert
  
• Du skal kunne bidra til eit godt arbeidsmiljø

Personleg eignaheit vert vektlagt ved tilsetting.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV.

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her

Kontaktinformasjon

Marit Vatsaas Vinje, Seksjonsleiar, +47 70 10 55 23, Marit.Vatsaas.Vinje@helse-mr.no

Arbeidssted

Åsehaugen 5
6017 Ålesund

Nøkkelinformasjon:

Arbeidsgiver: Helse Møre og Romsdal HF

Referansenr.: 5059889092
Stillingsprosent: 100%
Fast
Søknadsfrist: 21.01.2026