100 % fast stilling Udlabu

Kommunalavdeling helse og omsorg ynskjer medarbeidarar som er oppteken av faget sitt og som har eit ynskje om å utvikla seg. Er du ein slik person så er du hjarteleg velkomen til å arbeida saman med oss i Voss herad sine helsetenester. Hos oss vil du få moglegheit til å påverka tenestene. Me nyttar forsking og erfaringskunnskap og har alltid tenestemottakar i sentrum  når me planlegg korleis morgondagens tenester skal  vera. For å møte framtidas utfordringar ynskjer me å satse betydeleg meir på førebygging og tidleg innsats.

Udlabu ligg sentral på Voss og har fine nye tilrettelagte omsorgsbustader. 12 av bustadane er knytt opp til døgnbemanning og er organisert som eigne bustader med tillgang til fellesareal. På Udlabu bur det personar med ulike funksjonsvariasjonar. Eininga har ca. 23 årsverk. 

Arbeidsoppgåver:

• Bistå tenestemottakar i dagliglivets gjeremål
• Målretta miljøarbeid
• Primærkontaktoppgåver og oppfylging av tiltaksplanar
• Medikamenthandtering
• Skapa tryggleik og struktur
• Delta saman med tenestemottakar i dagleglivets oppgåver og fritidsaktiviteter
• Praktiske gjeremål og andre delegerte oppgåver frå leiar

 Kvalifikasjonar

• Vernepleiar og/eller sjukepleiar
• Andre relevante høgskuleutdanningar kan verta vurdert 

 Me ynskjer: 

• fordel med erfaring i arbeid til personar med ulike funksjonsvariasjonar
• du må ha pågangsmot, vera løysningorientert og fleksibel
• du må lika endringsarbeid, å arbeida i eit aktivt miljø, vera engasjert og inkluderande
• deg som er oppteken av smidige løysingar og godt samarbeid med tenestemottakar, pårørande og tilsette
• God skriftleg og munnleg norsk
• Sertifikat klasse B

• Rekrutteringstillegg på kr 16 000 for vernepleiar i turnus
• Rekeutteringstillegg på kr 30 000 for sjukepleiar i turnus 
• gode vilkår for fagleg utvikling
• varierte arbeidsoppgåver
• eit godt tverrfagleg og sosialt miljø
• yrkesskade- og gruppelivsforsikring
• gode pensjonsordningar
• løn etter kommunalt avtaleverk og elles tilsetjing på vanlege kommunale vilkår

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. 

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ver vennleg og legg ved vitnemål og attestar til søknaden.