Etaten Samfunnsutvikling og drift i Fitjar kommune har ansvar for drift og vedlikehald av det kommunale VA-nettet. Me lyser no ut fast stilling som driftsoperatør for vatn og avlaup. Stillinga vil høyra til VA-avdelinga som består av tre årsverk.

Arbeidsoppgåver vil mellom anna vera

Drift og vedlikehald av det kommunale vassverket, inkludert vassbehandlingsanlegg, høgdebasseng og leidningsnett
Drift og vedlikehald av det kommunale avlaupsnettet, inkludert silanlegg, slamtankar, leidningsnett og pumpestasjonar
Innmåling og kartfesting av eksisterande leidningsnett
Lekkasjesøk
Oppfylging av styringssystem
Kontroll og rapportering av vasskvalitet

VA-avdelinga er lita, og som tilsett her vil du også måtta pårekna å bidra med andre driftsoppgåver ved behov. Du vil inngå som ein del av teknisk vakt. Vaktordninga er fordelt på dei tilsette på driftsavdelinga og VA-avdelinga og inneber roterande vekesvakt (inkludert helg) knytt til bygg og vassverk.

Tiltreding i stillinga etter avtale.

Kvalifikasjonar

Teknisk fagskule eller fagbrev innan relevant handverksfag, gjerne VA-fag. Relevant erfaring (realkompetanse) kan kompensera for manglande utdanning.
Førarkort kl BE
Erfaring med drift av VA-nett er ynskjeleg.
Gode datakunnskapar og interesse for digitalisering
Interesse, vilje og evne til å læra deg dei delane av faget som du eventuelt ikkje har kjennskap til frå tidlegare.
Evne til å arbeida sjølvstendig.

Me kan tilby

Spanande og meiningsfylte arbeidsoppgåver innanfor eit viktig samfunnsområde
Godt arbeidsmiljø med engasjerte medarbeidarar
God offentleg pensjonsordning
Stilling i ei inkluderande arbeidslivsverksemd (IA -verksemd)

Dersom søkjar ynskjer å verta unnateke frå offentleg søkjarliste, lyt søkjar spesifisera og grunngje det i søknaden. Opplysningar om søkjaren kan verta gjort offentlege sjølv om søkjaren har oppmoda om ikkje å verta ført på søkjarlista. Dersom oppmodinga ikkje vert teke til fylgje, skal søkjaren varslast om dette.

Cookies for en trygg og bedre tjeneste

Rapporter annonse