Vi lyser ut faste stillingar som psykologspesialist / psykolog, og søker fleire engasjerte medarbeidarar som vil bidra til å vidareutvikle tilbodet vårt ved DPS poliklinikk for psykisk helsevern i Ålesund!

Poliklinikken består av sju behandlarteam. Eit gruppebehandlingsteam, eit ROP team og fire til dels spissa allmennteam. Vi har også eit nyoppretta Tidleg Avklaringsteam som møter pasientar tidleg etter henvisning og tilbyr fleksibel oppfølging i etterkant. Allmennteama våre består av to generalistteam, eit traumeteam og eit nevropsykiatrisk team. Vi har stor bredde innan behandlingstilnærmingar. I haust starta vi prosessen med å utvide tilbodet vårt med B4DT (fire dagers behandling for angstlidingar). Poliklinikkane innan psykisk helsevern i Helse Møre og Romsdal, har dei siste ni månadane prøvd ut Kunstig Intelligens til hjelp i journalskriving. Med gode erfaringar. Vi har 15 spesialistar innan psykologi og psykiatri.

Stillingane er i allmennteama og blir ledige frå november.

Arbeidsoppgåver

Poliklinisk utgreiing, diagnostisering og behandling av menneske med psykiske lidingar
Som spesialist vil deltaking i inntaksarbeid vere viktig i samarbeid med andre spesialistar
Som spesialist vil rettleiing av ikkje-spesialist vere ei viktig oppgåve
Bidra med psykologisk fagkompetanse i teamet og i psykologgruppa
Samarbeid med aktuelle samarbeidspartnarar i kommune og innan eiga avdeling

Kvalifikasjonar

Spesialist i klinisk vaksenpsykologi, eller annan relevant spesialitet
Påbegynt eller fullført spesialisering i klinisk psykologi
Psykologar på lisens i påvente av autorisasjon
Psykologstudentar i påvente av autorisasjon

Personlege eigenskapar

Du har gode faglege kvalifikasjonar
Du har eit stort engasjement
Du har evne til sjølvstendig arbeid, men også gode samarbeidsevner
Du har interesse for nye arbeidsformer innan psykisk helsevern
Du evner å sette pasienten sitt behov i fokus
Personleg eignaheit vert vektlagt ved tilsetting

Vi tilbyr

Sterkt tverrfagleg samarbeid
Ein inkluderande arbeidsplass
Løn etter gjeldande overeinskomstar
Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her

Kontaktinformasjon

Håvard Helgesen, Seksjonsleiar, havard.helgesen@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 5001894413
Stillingsprosent: 100%
Fast
Søknadsfrist: 17.10.2025

Informasjonskapsler på arbeidsplassen.no

Rapporter annonse