100% fast stilling som fagleiar – Heimebaserte tenester Odda

Ullensvang kommune

Vil du vere med og vidareutvikle heimebaserte tenester i ein kommune med sterk fagleg satsing og stolte omsorgstradisjonar?

Vi søkjer ein engasjert og fagleg sterk fagleiar som vil bidra til å leie og utvikle tenestene våre – til det beste for brukarane.

Om stillinga

Heimebaserte tenester i Odda gir naudsynt helsehjelp, omsorg og støtte til menneske som bur heime. Vi er ei teneste i vekst og utvikling, og vårt mål er at flest mogleg skal få bu trygt og godt i eigen heim så lenge som mogleg.

Brukarane våre har i aukande grad meir samansette behov. Dette krev nytenking og vidareutvikling av tenestene våre – både fagleg og organisatorisk.

Som ein av to fagleiarar får du ei sentral rolle i både det faglege og operative arbeidet i avdelinga. Du vil ha ansvar for éi av to soner og samarbeide tett med fagleiar, avdelingsleiar og verksemdsleiar.

Stillinga er dagtid, med arbeid kvar tredje helg.

Arbeidsoppgåver

Vere ein fagleg ressurs og pådrivar for utvikling av tenesta
Planleggje, organisere og leie det daglege arbeidet i samarbeid med leiargruppa
Følgje opp pasientar og sette i verk nødvendige tiltak
Sikre god kvalitet i fagutøving og dokumentasjon
Rettleie medarbeidarar og bidra til eit godt og utviklande arbeidsmiljø
Delta i dagleg drift ved behov
Samarbeide med pårørande, fastlegar og andre instansar
Ha ansvar for oppfølging av studentar, lærlingar og elevar
Planleggje og gjennomføre internundervisning

Kvalifikasjonar

Autorisasjon som sjukepleiar
Gyldig politiattest
Erfaring innan geriatri eller anna relevant fagområde er ønskjeleg
Gode digitale ferdigheiter
Gode norskferdigheiter, både munnleg og skriftleg
Førarkort klasse B

Personlege eigenskapar

Du er fagleg trygg og strukturert
Du har gode samarbeidsevner og trivst med å leie andre
Du er fleksibel, løysingsorientert og engasjert
Du evnar å arbeide sjølvstendig og ta initiativ

Me tilbyr

Eit godt og inkluderande arbeidsmiljø
Varierte og meiningsfulle arbeidsoppgåver
Høve til fagleg utvikling og kompetanseheving
Lønn etter gjeldande tariff
Gode pensjons- og forsikringsordningar

Lønsvilkår:

Etter avtale

Link til søknadsskjema: Søk her

Informasjonskapsler på arbeidsplassen.no

Rapporter annonse