Ledige sommarvikariat i 80-100% stilling.

Kirurgisk avdeling, Medisinsk avdeling og Føde og gynekologisk avdeling har ledige stillingar for deg som ønskjer å jobbe som pleieassistent på Voss sjukehus i sommar. Todelt turnus med arbeid kvar 2. helg.

Stillingane passar godt for sjukepleiarstudentar/medisinstudentar. Stillingane er ledige frå 16. juni og vi ønskjer at du jobbar minimum 6 veker i sommarperioden. Du må oppgje i søknaden kva veker du kan jobbe og ved kva for avdeling(ar) du ønskjer å arbeide.

Medisinsk sengepost er lokalisert under Medisinsk seksjon, og har 20 heildøgnssengeplassar. Det blir behandla pasientar med ulike indremedisinske diagnosar, innan til dømes hjarte, lunge, nyre, mage, tarm, hjerneslag, infeksjonar, diabetes og kreft.

Kirurgisk sengepost er lokalisert under Kirurgisk seksjon, og er heildøgnspost innan kirurgi, ortopedi og gynekologi. Sengeposten har elektiv drift med planlagde operasjonar kombinert med øyeblikkeleg hjelp innleggingar. I tillegg har sengeposten open retur funksjon og har kompetanse på smertelindring, kreftomsorg og palliasjon.

Føde- og barselavdelinga har 10 barselsenger fordelt på 6 rom. Fødselstalet ligg rundt 430 pr. år. Vi legg vekt på tryggleik, nærleik og ro i fødselsforløpet, slik at fødselen kan gå føre seg så naturleg som mogleg. Smertelindring gjev vi etter ønskje og behov, også epiduralbedøving. Planlagd og akutt keisarsnitt blir gjort i dei høve der det er naudsynt.

Voss sjukehus:
Voss sjukehus er lokalsjukehus for om lag 30.000 innbyggjarar i indre Hordaland. I tillegg kjem det pasientar frå Bergen og kommunar i Indre Sogn. Vi har full akuttberedskap innan ortopedi, kirurgi, indremedisin, føde, gynekologi og anestesi, og det er gode støttetenester innanfor radiologi, fysioterapiavdeling og laboratorium med blodbank. Det er i underkant av 400 tilsette på sjukehuset. Voss sjukehus har hatt ein stor aktivitetsvekst og ønskjer å fortsette den positive utviklinga.

Litt om Voss:
Voss har flott natur som gjev særs gode høve til naturopplevingar og - aktivitetar for born og vaksne innan ei heil mengd ulike idrettar. Ekstremsportsmiljøet er viden kjent gjennom til dømes Ekstremsportsveko. Nord-Europas mest moderne gondolbane ligg nokre steinkast frå sjukehuset. Kulturlivet er rikt og variert, og det er eit godt utbygd skuletilbod med to nye vidaregåande skular. Det er god kommunikasjon vestover til Bergen/ Flesland og austover til Oslo.

Arbeidsoppgåver

Pleie og oppfølging av pasientar og pårørande i avdelinga
Førefallande arbeid i avdelinga

Kvalifikasjonar

Du må meistre norsk, svensk eller dansk for munnleg og skriftleg dokumentasjon
Du må ha relevant erfaring , fortrinnsvis sjukepleiarstudent eller medisinstudent

Personlege eigenskapar

Vi tenker at du:

Er ein god teamarbeidar
Trivast i eit aktivt og travelt miljø
Likar varierte utfordringar
Har engasjement for fagfeltet/pasientgruppa og ønskjer å vidareutvikle kompetansen din

Vi tilbyr

Opplæring
Lærerik og spennande jobb i aktivt miljø
Meiningsfylt arbeid som gjev personleg utvikling
Løn etter gjeldande overeinskomst

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Hege Aldal Indrebø, Seksjonsleiar Føde og gynekologisk avdeling, 92429062
Ranveig Herheim Knapstad, Seksjonsleiar Kirurgisk avdeling, 97711192
Linn Christine Zwartjes De Wolfe, Seksjonsleiar Medisinsk avdeling, 56533780

Arbeidsstad

Sjukehusvegen 16
5700 Voss

Nøkkelinformasjon:

Arbeidsgivar: Helse Bergen

Referansenr.: 4910607898
Stillingsprosent: 100%
Vikariat
Søknadsfrist: 09.02.2025

Rapporter annonse