Det er 2 ledige fastlegeheimlar ved Leikanger legekontor i Sogndal kommune. Oppstart etter avtale.

Leikanger legekontor

har 3 fastlegar, 1 spesialist og 2 i spesialisering, samt 1 LIS1. God bemanning av hjelpepersonell med erfarne sjukepleiarar. Svært godt fagleg og sosialt miljø.

Me legg stor vekt på rettleiing integrert i praksis med sikte på at både kurativt arbeid og legevakt skal vere ein god plass å lære allmennmedisin og leggje grunnlaget for spesialisering. Me tilbyr fast rettleiar, hjelper med utdanningsplan, legg til rette for oppnåing av læringsmål og gir kompensasjon for fråvær for utdanning.

Kommunen eig og driv legesentera. Legane er sjølvstendig næringsdrivande med forsterka 8-2-avtale. Evt. fastlønnsavtale.

Legevakta er for tida 15-delt og dekkar ca. 12 000 innbyggjarar, inkludert ØHD. Heimevakt med legevaktlokale ved Sogndal legesenter. Me har legevaktbil og godt samarbeid med lokal ambulanse.

Arbeidsoppgåver:

Allmennmedisinske oppgåver som fastlege. Kommunal bistilling inntil 20%.

Kvalifikasjonar:

Norsk autorisasjon som lege.
Gjennomført LIS1
Førarkort klasse B

Personlege eigenskapar:

Flytande norskkunnkapar, både skriftleg og muntleg.
Gode evner til kommunikasjon og samhandling.
Gode evner til å arbeide sjølvstendig og strukturert.
Høg arbeidskapasitet.

Vilkår for fastlegeavtale går fram av lover, forskrifter, sentrale og lokale avtalar.

Sogndal kommune

Sogndal kommune har ca. 12 000 innbyggjarar og er regionsenteret i Sogn. Kommunen ligg ved Sognefjorden omgitt av vakker natur med gode moglegheiter for friluftsliv med alt frå topptur på ski til båtliv på fjorden. God kommunikasjon med eigen flyplass med direktefly til Oslo og Bergen.

Kommunen er vertsstad for fylkeskommune, fylkesmann og andre statlege etatar, samt to vidaregåande skular og høgskulen på Vestlandet.

Kommunen har stort mangfald av frivillige lag og organisasjonar og rikt tilbod innan idrett- og kultur.

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt EasyCruit.

Link til søknadsskjema: Søk her

Informasjonskapsler på arbeidsplassen.no

Rapporter annonse