Ledige stillingar i Røldal pleie og omsorg

100% fast helsefagarbeidar ved Røldal pleie og omsorg frå 1.oktober 2025

Friluftshovudstaden Ullensvang er i utvikling. Turisme,landbruk og industri har stor vekst.

Kommunen har omlag 10900 innbyggjarar , der Odda er administrasjonssenter omkransa av sterke bygder.

Oppdraget vårt er å gje gode tenester, vere ein god samfunnsutviklar , og arbeide for vidare vekst og utvikling i kommunen.

Gjennom motiverte og dyktige medarbeidarar løyser vi dette viktige samfunnsoppdraget.

Vi treng no å ha deg med på laget.

Om arbeidsplassen

Røldal er fjellbygda i Ullensvang kommune.

Er du glad i friluftsliv og vinteraktivitet som alpint og langrenn, kan dette vere staden for deg.

Me treng helsefagarbeidarar til heime tenestene i Røldal.

Tenesta omfattar tenestemottakarar som bur heime.

Tenesta har eit bukollektiv med 6 rom , 10 omsorgsbustader, 2 tenester for funksjonshemma og heimebuande.

Me ønskjer at tenestemottakarane våre skal oppleve tryggleik, respekt og forutsigbarheit i tenesta me gjev. Samstundes ønskjer me at tenestemottakarane skal oppleve meistring og sjølvstende.

Me er her til det beste for brukarane våre.

Hoved arbeidsoppgåver:

Tilsyn, stell og pleie og oppfølging av brukarane etter vedtak som stettar behov.
Oppgåver knytt til legemiddelhandtering
Svara på alle tryggleiksalarmar
Dokumentasjon i vårt journalsystem Aidn
Forefallande arbeid på kjøkken, som feks tilbereding av måltid

Kvalifikasjonar

Autorisert helsefagarbeider
Gode kommunikasjonseigenskapar
Digitale ferdigheiter
Skriftleg og munntleg norskkunnskap eller flytande svensk

På laget vårt treng vi

Fagleg interesse
Godt humør og positiv innstilling
Fleksibel, strukturert, kreativ, og som ser løysingar framfor problem
Gode samarbeidsevner, sjølvstendig og som tek ansvar
Sunne verdiar og god moral

Me tilbyr

Varierte arbeidsoppgåver
Bra lønn etter hovudtariffavtalen
Kompetanseheving med støtte frå kommunen
Ullensvang kommune har ulike turnusordningar, gode permisjon og pensjonsvilkår og er IA bedrift (inkluderande arbeidsliv)

Krav

Politiattest
Førarkort kasse B

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.

For å gjera unntak må kommunen ha heimel i lova og vurdera konkret i kvar sak kva som er grunnen til unntaket.

I følgje offentleglova § 25 vert det stilt følgjande krav for å få unntak:

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/

Link til søknadsskjema: Søk her

Informasjonskapsler på arbeidsplassen.no

Rapporter annonse