Vil du bidra i politiets viktige arbeid på forvaltningsområdet? Vi har no ledig ei spennande stilling som forvaltningsjurist, seniorrådgivar/rådgivar, i Møre og Romsdal politidistrikt.

Vi ser etter deg som ønskjer å bidra til det kriminalitetsførebyggjande arbeidet ved forvaltninga og til fagutvikling innan forvaltningsområda. Du kan arbeide sjølvstendig i eit hektisk arbeidsmiljø med stort sakstilfang. Du er engasjert og fagleg nysgjerrig, med gode samarbeidseigenskapar og vilje til å spele andre gode.

Forvaltningsjuristen vil ha eit tett samarbeid med seksjonsleiar på forvaltning, andre forvaltningsjuristar og saksbehandlarar innanfor forvaltningsområdet i seksjonen og politidistriktet samla sett. Du vil også ha kontakt med samarbeidande etatar og aktørar, til dømes Statens vegvesen, Mattilsynet og kommunane i distriktet. Eksternt kan det vere aktuelt med foredrag og rettleiing. Noko av publikumskontakten vil gå føre seg på andre språk, fortrinnsvis engelsk.

Stillinga er for tida organisert ved Seksjon for forvaltning som er ein av fire seksjonar under felles eining for utlending, forvaltning og sivil rettspleie (FUFSR). Seksjonen har ansvaret for forvaltningsområda til politiet, under dette våpen, førarkort, køyresetlar, vedtakslinje pass/id-kort, vaktverksemd, brukthandel og hundesaker. Seksjonen har elleve tilsetje med variert bakgrunn, utdanning, erfaring og alder. Seksjonen har tilsette fordelt på lokasjonane Kristiansund politistasjon og Hustadvika politistasjon.

Arbeidstad er Kristiansund politistasjon eller Hustadvika politistasjon. Du må rekne med noko reise i samband med jobben.

Medarbeidarane på seksjonen ivrar for forvaltningsoppgåvene til politiet og moglegheita forvaltningssporet gir til å førebyggje kriminalitet og ulykker. Vi jobbar etter prinsippa i medarbedeiderplattforma som er å vere modig, heilskapsorientert, vise respekt og vere tett på.

Det er åpna for at du som avsluttar mastergrad i rettsvitskap vårsemesteret 2025 kan kvalifisere til stillinga.

Arbeidsoppgåver

Gjere vedtak og avgjerder på forvaltningsområdet
Bidra til kriminalitetsførebyggjande arbeid i forvaltninga, spesielt gjennom sakshandsaming av bekymringsmeldingar og tilbakekallingssaker
Vere rådgivar for saksbehandlar på forvaltningsområdet og bidra til faglege avklaringar
Delta i opplæring, fagutvikling, rutineutvikling, kvalitetssikring og oppfølging av fag og metode innan politidistriktet si forvaltning
Leggje til rette for kunnskapsbasert erfaringslæring og kompetansedeling innanfor forvaltningsområda til politiet
Sørgje for å implementere god praksis og følgje opp sentrale krav og føringar
Utføre og skrive juridisk forklaringar og høgringfråsegner innanfor fagfelta
Interne og eksterne foredrag og rettleiing av samarbeidspartnarar
Andre arbeidsoppgåver etter behov

Særskilt arbeidsoppgåve for seniorrådgivar i tillegg til det ovennevnte:

Fag- og opplæringsansvar for enkelte fagområde innan forvaltninga

Kvalifikasjonar

Nødvendig:

Mastergrad i rettsvitskap eller juridisk embetseksamen ved tiltreding
Kjennskap til offentleg forvaltning og saksbehandling
God munnleg og skriftleg formidlingsevne på norsk
God munnleg formidlingsevne på engelsk
God digital kompetanse

For seniorrådgivar gjeld følgande i tillegg:

Minimum tre års relevant erfaring frå offentleg forvaltning og saksbehandling
Særs god munnleg og skriftleg framstillingsevne på norsk

Ønskeleg:

Utdanning/spesialkurs innan forvaltning
Relevant arbeidserfaring frå offentleg forvaltning og saksbehandling
Erfaring frå arbeid med forvaltningsoppgåvene til politiet
Erfaring med rettleiingsoppgåver og opplæring av andre
God skriftleg framstillingsevne på engelsk
God kjennskap til saksbehandlingssystema og registra til politet

Andre krav:

Ein må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.
Utdanning frå utlandet må vere godkjent av Nasjonalt organ for kvalitet i utdanning (NOKUT) eller Direktoratet for høyere utdanning og kompetanse. Søknader som ikkje har vedlagt slik godkjenning vil ikkje bli behandla.

Personlege eigenskapar

Du har evne til å ta sjølvstendige vurderingar, tek initiativ og ansvar
Du er engasjert og fagleg nysgjerrig, med evne til å fordjupe deg i faglege problemstillingar
Du har evne til å kommunisere klart og tydeleg, i komplekse saker og i rettleiingsarbeid
Du er god til å dele kunnskap og jobbe tett med andre for å fremme kompetanseutvikling
Du har stor arbeidskapasitet og er god på å handtere stress, med evne til å prioritere og jobbe effektivt og strukturert
Du er motivert og positiv, med evne til å bidra til eit godt fag- og arbeidsmiljø

Som medarbeidar i politiet har du høgt etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjer våre og medarbeidarplattform her: https://www.politiet.no/om-politiet/jobb-i-politiet/medarbeiderplattform/

Personlege eigenskapar og motivasjon for stillinga vil bli tillagt stor vekt.

Vi tilbyr

En utfordrande og spennande arbeidsplass for deg som vil vere med og forme framtida til politiet
Fast stilling som seniorrådgivar (stillingskode 1364) - brutto årslønn frå kr. 650 000,- kr. 750 000-, alternativt som rådgivar (stillingskode 1434) – brutto årslønn frå kr. 565 900,- til kr. 667 000,-
For særskilt kvalifiserte kan noko høgare lønnsplassering bli vurdert
Endeleg plassering i stillingskode og lønn er avhengig av kompetanse og kvalifikasjonar.
Du vil bli medlem i Statens pensjonskasse som gir deg mange gode i tillegg til livsvarig alderspensjon. Du kan ha rett til økonomisk støtte dersom du blir sjuk eller ufør, familien din kan ha rett til økonomisk støtte om du går bort, du blir forsikra mot yrkesskade eller yrkessjukdom, og du får gode vilkår på bustadlån. Les meir om tilsettingsgoda dine på spk.no/medlemskap-i-spk. Det blir trekt to prosent frå løna til innskot i Statens pensjonskasse.
Fleksibel arbeidstid
Moglegheit for trening i arbeidstida
Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Kontaktinformasjon

Sissel Straume Brevik, Seksjonsleiar, 97140982

Arbeidsstad

Storgata 43
6508 Kristiansund

Nøkkelinformasjon:

Arbeidsgivar: Møre og Romsdal politidistrikt

Referansenr.: 4911749951
Stillingsprosent: 100%
Fast stilling
Søknadsfrist: 20.03.2025

Informasjonskapsler på arbeidsplassen.no

Rapporter annonse