Radiologisk avdeling i Førde tilbyr ein meiningsfull og interessant arbeidsdag i tett samarbeid med gode kollegaer. Hos oss vil du bli utfordra fagleg og få sjansen til å påverke og utvikle røntgentilbodet i Helse Førde. Samtidig bur du midt i det vi kallar livets leikeplass: Vestlandet!

No har vi ledig stilling til deg som ønsker meir ansvar:

100% fast stilling som fagradiograf røntgen

Dette vil du jobbe med:

Radiograffagleg arbeid innan røntgen
Kvalitets- og utviklingsarbeid
Utforming av protokollar- og prosedyrar
Informasjon, undervisning og simulering
Ved ønskje om meir variasjon er det også mogleg å få opplæring i mammografi eller MR

Stillinga er ei dagstilling (37,5 t/veke), og vi er fleksible rundt kva som blir din første arbeidsdag.

Kva kan vi tilby?

Ved Radiologisk avdeling ved Førde sentralsjukehus er vi opptatt av at du skal trivast saman med kollegaene dine, samtidig som du opplever fagleg utvikling og meistring i jobben. Vi har stort fokus på kvalitet, og jobbar aktivt for god pasientflyt og at pasienten kjenner seg ivaretatt.
Vi set trivsel høgt og er ein arbeidsplass med flotte kollegaer og mykje humor. Vi har eigen trivselskomité som fiksar julebord, sommarfest og andre sosiale samankomstar. Ikkje bli overraska om vaffellukta brer seg på personalrommet.
Du vil oppleve fagleg utfordring og sjansen til å utvikle utvida kompetanse og ferdigheter innan røntgen. Samtidig får du vere med å påverke og utvikle røntgen-tilbodet i Helse Førde. Vi går spanande tider i møte og nytt røntgenutstyr er noko av det som er lengst oppe på prioriteringslista. Som Fagradiograf blir du sentral i ein slik prosess.
Om du ønsker å ta steget vidare, kan vi tilby både kurs og vidareutdanning.

Her kan du bli betre kjent med oss, samt få 10 gode grunnar til å jobbe med oss!

Kvalifikasjonar (overskrift)

Kven ser vi etter?

God kommunikasjon er kanskje ein av dine viktigaste styrkar, då det er avgjerande for å vere flink med pasientar, fungere med kollegaer og mot andre avdelingar og profesjonar. Du har utvida kompetanse innan røntgen og viser engasjement og interesse for faget. Du er nysgjerrig, jobbar for utvikling og god kvalitet i tenestene vi leverer. Det er krav om norsk autorisasjon som radiograf.

Bu midt i livets leikeplass: Vestlandet!

I Sunnfjord bur du midt i eit friluftseldorado med kort veg til toppturar, klatring, stisykling, kajakkpadling og andre aktivitetar. I løpet av ei helg kan du oppleve både strender i verdsklasse og fjellturar du elles berre ser på instagram.

Her er også urbane tilbod som restaurantar, kjøpesenter, treningssenter, kaféliv, kulturliv, teater og konsertar. Vi har flyplass og eit godt utbygd kollektivtilbod, og Bergen ligg tre timar unna med bil. I Sunnfjord vil du oppleve ein enkel kvardagslogistikk med korte avstandar til det meste.

Seksjonen har omlag 50 tilsette, der 30 er radiografar. Vi har 2 CT-maskiner, 2 MR-maskiner (1,5T og 3T), 3 konvensjonelle røntgen apparat (GE/Siemens), 2 digitale mobile apparat (Samsung), 2 mammografiapparat (klinisk og screening), gjennomlysing/intervensjon/angio (Siemens), samt 3 ultralyd apparat. Førde sentralsjukehus er eit middels stort sjukehus som har kliniske avdelingar innan dei fleste fagområda. Sjå www.helse-forde.no .

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Reidun Brekke, Seksjonsleiar FSS, (+47) 578 39 616

Arbeidsstad

Svanehaugvegen 2
6812 Førde

Nøkkelinformasjon:

Arbeidsgivar: Helse Førde

Referansenr.: 5021345101
Stillingsprosent: 100%
Fast
Startdato: 05.01.2026
Søknadsfrist: 02.11.2025

Vi bruker cookies

Rapporter annonse