Det er ledig 30 prosent fast stilling som kantor / organist/ kyrkjemusikar i Balestrand sokn for snarleg tilsetjing.

Stillinga har Sogndal kyrkjelege fellesråd som arbeidsgjevar, og vil ha hovudarbeidsstad i Balestrand sokn: Tjugum kyrkje, Sæle kyrkje og Kvamsøy kyrkje. I tillegg kan det påreknast enkelte tenester i St. Olafs kyrkje og nokre andre gudstenestestader, også utandørs. Stillinga får ansvar for det kyrkjemusikalske arbeidet i Balestrand sokn.

Kyrkjer og instrument i Balestrand

• Tjugum kyrkje (1853): Mekanisk Olsen & Jørgensen pipeorgel frå 1905 med 11 stemmer og eit lite Hofmann & Czerny flygel frå 1933. Restaurering av orgelet er under planlegging. Hovudkyrkja i soknet med ca. 25 gudstenester i året.

• Sæle kyrkje (1903): Allen digitalt orgel og el-piano. 10-11 gudstenester i året.

• Kvamsøy kyrkje (ca. 1275): Harmonium/trøorgel. Eit par gudstenester i året.

• St. Olafs kyrkje (1897): El-piano og eit eldre harmonium. Nokre tenester i året.

Me søkjer etter ein person med relevant musikkutdanning og gjerne erfaring frå kyrkjemusikalsk arbeid, med gode kvalifikasjonar i orgel- og pianospel. Ved tilsetjing vil også personlege eigenskapar som evne til samarbeid, organisering og god kommunikasjon bli vektlagde.

Arbeidsoppgåver

• Førebu og gjennomføre det musikalske knytt til gudstenester, gravferder og vigslar: Kyrkjelydssong, musikkformidling, involvering og rådgjeving.

• Ansvar for kyrkjelyden sin julekonsert og ev. andre konsertar.

• Kyrkjemusikalsk medverknad i trusopplæring, institusjonsandaktar og anna aktivitet i kyrkjelyden.

• Tilsyn med instrument.

• Samarbeid med andre tilsette og eksisterande musikkmiljø.

Me kan tilby:

• Løns -og arbeidsvilkår i samsvar med gjeldande tariffavtalar og regelverk innanfor kyrkjeleg sektor

• Pensjons- og forsikringsordning gjennom KLP

Det vert kravd medlemskap i Den norske kyrkja. Politiattest må leggast fram ved tilsetjing. Søkjar må disponere eigen bil. Køyregodtgjersle i samsvar med gjeldande regulativ. Kvelds- , helge- og høgtidsarbeid må reknast med. Søkjar må kunne norsk skriftleg og munnleg, eventuelt andre skandinaviske språk.

Informasjonskapsler på arbeidsplassen.no

Rapporter annonse