I Vest politidistrikt ved Geografisk driftseining (GDE) Sogn og Fjordane, er det ledig ei nyoppretta fast stilling som førebyggjande risikoanalytikar. Stillinga er normert som politioverbetjent (stillingskode 0287). Ved mangel på kvalifiserte søkjarar vil ein vurdere tilsetjing i stilling som politiførstebetjent (stillingskode 0285).

Hovudansvarsområdet er koordinering, oppfølging, førebygging og strukturert risikovurdering av partnar- og æresrelatert vald for heile GDE Sogn og Fjordane. I tillegg er ansvaret for mobil- og omvendt valdsalarm (OVA og MVA) lagd til stillinga. Stillinga er organisatorisk plassert under Etterforskingsseksjonen, men geografisk kan ein ha dagleg oppmøte annan stad i GDE-en. GDE Sogn og Fjordane er ein av 3 geografiske driftseiningar i Vest politidistrikt. Med om lag 150 årsverk sørvar me 110000 innbyggjarar.

Vest politidistrikt er i kontinuerleg utvikling, og du må kunne pårekna endring av arbeidsoppgåver og innhald i stillinga i samband med det.

Me ynskjer å vera i forkant av kriminaliteten, og samarbeider tett med kommunar, frivillige organisasjonar og næringsliv for å bidra til at Sogn og Fjordane også i framtida skal vera ein trygg stad å bu. Me leverer 24/7 beredskap, er synleg i lokalmiljøet og bidreg til god oppklaring gjennom desentralisert etterforskingsstruktur. Årleg utstedar me om lag 16000 pass og id-kort, og me har full portefølje innan namsmannsoppgåver.

Arbeidsdagen er variert og hektisk, og det er behov for å snu seg rundt på kort varsel. Medarbeidarane i Sogn og Fjordane fortel om eit ope og inkluderande arbeidsmiljø med godt samarbeidsklima.

Mer er på jakt etter deg som ynskjer å vera med å utvikla eit viktig satsingsområde. Du er positiv og tek ansvar. Du skapar gode resultat åleine og i lag med andre. Du er ryddig, strukturert og systematisk. Du møter folk med verdigheit og respekt.

Kjenner du deg att her, så ynskjer me at du søkjer på jobben!

Arbeidsoppgaver

Ansvar for strukturerte risikovurderingar og førebygging av partnar- og æresrelatert vald i GDE Sogn og Fjordane i samsvar med nasjonale og lokale føringar
Ansvar for oppfølging og gjennomføring av mobil- og omvendt valdsalarm i GDE-en
Sakskoordinering og porteføljestyring
Utføra strukturerte risikoanalysar og sørga for at tiltak vert gjennomført
Samarbeida tett med interne og eksterne aktørar innan fagområda
Rapportering på fagfelta
Noko reise må påreknast
Andre oppgåver pålagd av overordna

Kvalifikasjoner

Nødvendig:

Vitnemål frå Politihøgskulen/Politiskulen
Tilfredstille kompetansekrava for pb3 og ha arbeida innan relevant fagfelt i minimum 5 år. Ved anna relevant bachelor- eller mastergrad kan heile eller delar av kompetansekravet fråvikast.
- For stilling som politiførstebetjent: Tilfredstille kompetansekrava for pb3 og ha arbeida innan relevant fagfelt i minimum 3 år. Ved anna relevant bachelor- eller mastergrad kan heile eller delar av kompetansekravet fråvikast.
Førarkort klasse B
Du må ha plettfri vandel og vera skikka for teneste i politiet og politiattest (uttømmande og utvida) må hentast inn ved eventuell tilsetting, jfr. politiloven § 18 og politiregisterloven § 41.

Ønskeleg.

Erfaring som førebyggjande risikoanalytikar vil bli vektlagd
Kompetanse innan etterretning, analyse, vald i nære relasjonar, kulturforståing og mangfald, konflikthandtering eller kriminalitetsførebygging vil bli vektlagd
God kompetanse på politiet sine datasystem vil vera ein fordel
Alt etter kompetanse, må du pårekna å ta videreutdanning innan fagfelta for å tilfredsstilla kompetansekrava slik dei er definert i nasjonal instruks

Personlige egenskaper

Du har stor motivasjon for fagfelta
Du jobba godt åleina og i lag med andre
Du jobbar systematisk og strukturert
Du gjer gode prioriteringar
Du tek ansvar og har god gjennomføringsevne

Som medarbeider i politiet har du høg etisk standard, som er kjenneteikna ved at du er modig, heilskapsorientert, tett på og syner respekt. Du kan lesa meir om våre etiske retningsliner og medarbeidarplattforma her: https://www.politiet.no/om-politiet/jobb-i-politiet/medarbeiderplattform/

Me tilbyr

Ein utfordrande og spennande arbeidsplass for deg som vil vera med å forma politiet for framtida
Lønn:
- Stilling som politioverbetjent med funksjon som førebyggjande risikoanalytikar, (stillingskode 0287) vert fort tida lønna frå kr 760.000 brutto per år.
- Stilling som politiførstebetjent med funksjon som førebyggjande risikoanalytikar, (stillingskode 0285) vert fort tida lønna frå kr 695.000 brutto per år.
- Vidare lønnsutvikling vil skje gjennom lokale lønnsforhandlingar, jfr. hovudtariffavtalane i staten.
Medlemskap i Statens pensjonskasse, med blant anna gode pensjons- og forsikringsordningar (www.spk.no)
Gode arbeidsvilkår (t.d. fleksibel arbeidstid, trening i arbeidstida)

Generelt
Politiet meiner at inkludering og mangfald er ein styrke. Me treng medarbeidarar med ulike kompetansar, bakgrunn, erfaring og perspektiv for å bidra til endå betre oppgåveløysing. Dersom det er mogleg vil me leggja til rette for medarbeidarar som har behov for det.Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal me kalla inn minst éin søkjar i kvar av desse gruppene til intervju. For å bli vurdert som søkjar i desse gruppene, det vil seia positivt særbehandla på denne måten, må søkjarane oppfylla visse krav.

For å ha eit godt vurderingsgrunnlag ber me deg om å registrera utfyllande CV i rekrutteringsportalen vår og lasta opp relevante attestar og vitnemål. Dersom du har funksjonsnedsetjing, hol i CV-en eller innvandrarbakgrunn oppmodar me deg til å kryssa av for dette i rekrutteringsportalen vår. Avkryssingane dannar grunnlag for anonymisert statistikk som alle statlege verksemder rapporterer i årsrapportane sine.
Du kan lesa meir på arbeidsgivarportalen https://arbeidsgiver.difi.no/positivsaerbehandling.
Opplysningar om deg kan bli offentleggjort sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Vi ber om elektronisk søknad via lenka.

Kontaktinformasjon

Askel Rødland, Seksjonsleiar, 91860344
Spørsmål om elektronisk søknad/ CV, Seksjon for HR, 207.HR@politiet.no

Arbeidssted

Hafstadvegen 51
6800 Førde

Nøkkelinformasjon:

Arbeidsgiver: Vest politidistrikt

Referansenr.: 4908243328
Stillingsprosent: 100%
Fast
Søknadsfrist: 14.03.2025

Informasjonskapsler på arbeidsplassen.no

Rapporter annonse