Sjukepleiar 95 % fast stilling på natt ved Nesbukti pleie og omsorgssenter

Interessant? Då håpar vi du les vidare!

Vi har ledig 95 % fast stilling som sjukepleiar på natt ved Nesbukti pleie og omsorgssenter frå 01.11.2025.

Korleis er det på Nesbukti pleie og omsorgssenter?

Nesbukti er ein triveleg sjukeheim som ligg i naturskjønne omgivnadar. Vi har i dag 31 sjukeheimsplasser. Av desse er 8 plassar på skjerma avdeling for demente, 5 korttidsplassar blant anna bruka til rehabilitering/habilitering, 1 kommunal augeblikkeleg døgntilbodplass, resterande er langtidsplassar fordela på 2 somatiske avdelingar.

Vi meiner at samhald, positivitet, samarbeid og engasjerte kollegaer er viktige verdiar, og vi tenkjer at dette gjer oss til ein god arbeidsplass.

Får vi deg med på laget?

Dette tilbyr vi deg

Som sjukepleiar på natt vil du møte ei variert pasientgruppe med stort spenn i sjukdomsbilete og funksjonsnivå. Vi har ein spanande arbeidsplass, med ei aktiv korttidsavdeling med augeblikkeleg-hjelp plass, somatisk- og skjerma eining. Vi kan tilby høg faglegheit, vi har fokus på personsentrera omsorg, tillitsskapande tiltak og god livskvalitet for den enkelte. Vi har stort fokus på primærsjukepleie til våre pasientar, vi er opptatt av kontinuitet, god samhandling med pårørande og kva som er viktig for pasienten.

Arbeidsoppgåvene vil til dømes vere kliniske vurderingar, overordna ansvar for sjukepleie faglege oppgåver, observasjonar, oppfølging og vurdering av iverksatte tiltak, dokumentasjon, medisinsk oppfølging og pleie- og omsorg til våre pasientar.

Du vil få grundig opplæring saman med erfaren sjukepleiar, som også vil fungere som kontaktperson i etterkant av opplæringa.

Ynskjer du fagleg utvikling, og ta vidareutdanning? Vi har gode avtaler som legg til rette for at tilsette får personleg vekst og moglegheit til kompetanseutvikling.

Vi tilbyr gode pensjonsordningar i KLP. Seljord kommune er ein IA -- bedrift

Som sjukepleiar på natt får du 50 000,- (i 100% stilling ) som eit funksjonstillegg i året.

Kvalifikasjonar

· Formell utdanning og norsk autorisasjon som sjukepleiar

· Gode norsk kunnskapar, både munnleg og skriftleg

· Har gode IKT- kunnskapar og kan tileigne deg fagsystem som til ei kvar tid brukast i Seljord kommune

· Fleksibel og serviceinnstilt

· Ha gode kommunikasjons og samarbeidsevner

Eigenskapar

· Erfaring frå liknande arbeid

· Positiv, omsorgsfull, løysingsorientert og engasjert

· Stor arbeidskapasitet

· Bidra til eit godt arbeidsmiljø, trivast med å jobbe i eit tverrfagleg miljø, i samspel med andre, men også evne til å jobbe sjølvstendig

· God på å prioritere arbeidsoppgåver

· Vi vektlegg personlege eigenskapar

Har du eit godt klinisk blikk, er trygg på deg sjølv i rolla som sjukepleiar, er fleksibel, likar å jobbe i team og er opptatt av kvalitet i tenestane vi gir til våre pasientar? Da høyrer vi gjerne frå deg!

Har du spørsmål? Ta kontakt med einingsleiar Kristin Aamot på tlf. 90618332

e-post: kristin.aamot@seljord.kommune.no

Seljord kommune tek berre imot elektroniske søknader. Søkaren må registrere relevant erfaring og utdanning inn i søknadsskjemaet.

Dersom interne omrokkeringer tilset vi også i desse.

Ved tilsetjing må politiattest leggast fram, ikkje eldre enn 3 månader.

Søknadsfrist 16.11.2025

Vi bruker cookies

Rapporter annonse