Er du lege med klinisk spesialitet og interesse for medisinsk seleksjon, sjøfart eller telemedisin?

🛟 Bli med å utvikle verdas beste helsetilbod til sjøs!

Norsk senter for maritim medisin og dykkemedisin er eit nasjonalt kompetansesenter ved Yrkesmedisinsk avdeling på Haukeland universitetssjukehus. Vi arbeider for å fremje helse hjå sjøfolk, fiskarar, dykkarar og offshorearbeidarar - i skjeringspunktet mellom klinisk medisin, samfunnsmedisin og teknologisk innovasjon.

Våre aktiviteter inkluderer:

undervisning av legar og medisinstudentar
seleksjonsmedisinske utgreiingar av sjøfolk og dykkarar
utvikling av medisinske læremiddel for sjøfolk
basalmedisinsk og registerbasert forsking
rådgjeving og saksutgreiingar til styresmakter
telemedisinsk/klinisk rådgjeving til fartøy og petroleumsinstallasjonar ("Radio Medico - legevakta til sjøs")

Di rolle
Som overlege hos oss får du ein variert arbeidskvardag der du løyser senteret sine ulike oppgåver i tett samarbeid med dine medarbeidarar. Du vil ha eit særleg ansvar for å utgreie saker for Sjøfartsdirektoratet i "Fagnemnda for helsesaker" og for å undervise i seleksjonsmedisin på kurs. Stillinga inngår i den telemedisinske vaktordninga "Radio Medico - legevakta til sjøs".

Arbeidet er både variert og tverrfagleg. Her får du utvikla deg som fagperson - på heilt nye område - saman med engasjerte kollegaer.

Havet er stort og etterspurnaden etter tenestene våre er aukande. Vi styrkjer bemanninga og søkjer etter spesialistar frå fleire ulike fagområde.

Bli med inn - møt nokon av dei dyktige medarbeidarane våre her: 👩🏽👩🏻‍🦲👩🏻‍🦱👨🏼‍🦱👩🏽‍🦰

Kva i alle dagar er "Fagnemnda for helsesaker"? Ta ein titt her.

#

👉 Besøk nettsida vår for meir informasjon - www.nsmdm.no - eller ta kontakt med oss på telefon/e-post.

Velkommen til ein ny og spennande arbeidskvardag - i eit inkluderande og nyskapande fagmiljø!

📍 Arbeidsoppgåver

undervisning og fagformidling - halde forelesningar på kurs for sjøfartslegar, petroleumslegar og dykkarlegar
innovasjon og fagutvikling - vidareutvikle det faglege innhaldet i den digitale medisinske appen vår for sjøfolk - "Mariners Medico Guide" (www.medicoguide.no)
seleksjonsmedisinske utgreiingar - saksbehandle dispensajonssøknader og klager frå sjøfolk i "Fagnemnda for helsesaker", i samband med helsekrav for arbeid om bord på norske skip og flyttbare innretningar
telemedisinsk vaktarbeid - gje medisinske råd til sjøfolk, fiskarar og petroleumsarbeidarar (munnleg, skriftleg og på video) - gjennom tenesten "Radio Medico - legevakta til sjøs" - i samarbeid med Hovedredningssentralen og Kystradioen

💡 Arbeidsoppgåvene vil bli fastsatt i dialog mellom deg og seksjonsleiar - tilpassa din kompetanse, dine behov og dine interesser. Oppgåvene vil variere over tid. Du vil få naudsynt opplæring og støtte undervegs, slik at du når dine mål - og at vi lukkast saman.

📍 Kvalifikasjonar

> nøkkelkvalifikasjonar - "må-krav"

autorisert lege med klinisk erfaring - gjerne variert
spesialistkompetanse - allmennmedisin, samfunnsmedisin, arbeidsmedisin eller anna relevant spesialitet
gode kommunikasjonsevner - norsk og engelsk, munnleg og skriftleg

> Anna relevant erfaring - tel positivt, men er ingen føresetnad

offentleg helsearbeid - t.d. utgreiingar og saksbehandling i helseforvaltninga
forsking - t.d. medisinsk doktorgrad / PhD
seleksjonsmedisin, t.d. arbeid som sjøfartslege eller petroleumslege

📍 Personlege eigenskapar

> du er

inkluderande og samarbeidsorientert
ansvarsbevisst med stor gjennomføringsevne
systematisk og resultatorientert
fleksibel med fokus på løysingar
trygg og empatisk

> du liker

å utfordre deg sjølv
å nytte eigen kompetanse i nye samanhengar
å samarbeide med andre - både gje og få tilbakemeldingar
å tenkje nye tankar og formulere dei skriftleg
å seie det du meiner - og meine det du seier
å lukkast saman med andre

💡 Om noko av dette kjenneteiknar deg, har du eit godt utgangspunkt for å lukkast i stillinga - og til å finne deg godt til rette hjå oss.

📍 Vi tilbyr

spennande arbeid i eit aktivt og tverrfagleg miljø
konkurransedyktig løn
høve til stor fagleg og personleg utvikling
eit godt arbeidsmiljø
sympatiske medarbeidarar som heiar på kvarandre
meir fleksibilitet i kvardagen
kontorplass i historiske lokale på Haukelandsområdet
gode pensjons- og forsikringsordningar

Kvifor skal du velge oss?

❤️ Meiningsfylte arbeidsoppgåver

🌈 Inkluderande arbeidsmiljø

🦽 Tilrettelagd arbeidsplass

✔️ GenZ-venleg balanse og miks

‼️ Ta gjerne kontakt med oss for ein uforpliktande samtale - det kan vere at det er nettopp kvarandre vi søkjer. Vi deg - og du oss.

> Respekt - Kvalitet - Tryggleik <

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

💡Tips: Vi oppmuntrar til bruk av ny teknologi, men tilrår at du skriv innhaldet i jobbsøknaden din sjølv - med naturlig intelligens og menneskeleg kreativitet (anten på bokmål og nynorsk). Det vil ofte bidra til at di stemme og dine særeigne kvalitetar kjem tydelegare fram i søknaden. Vi ser fram til å høyre frå deg!

Kontaktinformasjon

Jon Magnus Haga, Seksjonsleiar lege, 90823355, jon.magnus.haga@helse-bergen.no

Arbeidsstad

Jonas Lies vei 72B
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5020273679
Stillingsprosent: 100%
Fast
Søknadsfrist: 09.11.2025

Vi bruker cookies

Rapporter annonse