Vil du vere med å bygge opp ei ny blodprøvetakingseining på Nesttun?

Vi søker no etter ein fagbioingeniør med ansvar for drifta av ei nyoppretta blodprøvetakingseining på Nesttun. Tentativ opning er første kvartal 2026. Du vil få ei nøkkelrolle i etablering og dagleg drift av eininga, og vil samarbeide tett med leiar for preanalytisk seksjon og andre relevante fagmiljø i MBF.

Stillinga er ei dagstilling utan vaktordning, men arbeidstida må tilpassast eininga sine opningstider.

Om oss:
Avdeling for medisinsk biokjemi og farmakologi (MBF) ved Haukeland universitetssjukehus er det største laboratoriet i Helse Bergen, med over 350 tilsette. Avdelinga har brei aktivitet innan medisinsk biokjemi og klinisk farmakologi og har moderne og avansert laboratorieutstyr. Vi består av 12 analytiske og 4 ikkje-analytiske seksjonar, i tillegg til tre legegrupper.

Preanalytisk seksjon er den største seksjonen i MBF med mellom 40–50 tilsette bioingeniørar og helsesekretærar. Seksjonen har ansvar for blodprøvetaking, prøvemottak, registrering og fordeling av prøvar – både internt i MBF og til andre laboratorium i sjukehuset. Seksjonen har også ansvar for fleire av dei kontorfaglege og prosjektrelaterte oppgåvene i avdelinga.

Laboratorieklinikken driftar fleire blodprøvetakingseiningar i Bergen og omegn. Desse einingane er organisatorisk knytt til preanalytisk seksjon ved MBF.

Arbeidsoppgåver

Overordna drifts- og fagleg ansvar for blodprøvetakingseininga
Planlegging og koordinering av arbeidsoppgåver
Ivareta utforming og oppdatering av prosedyrar
Bestille forbruksvarer
Blodprøvetaking, prøvebehandling og anna tilliggande laboratoriearbeid
Opplæring av, og fagleg ansvar for tilsette
Andre oppgåver kan tilkome

Kvalifikasjonar

Norsk autorisasjon som bioingeniør og ha arbeidd minimum 2 år i laboratorium med tilsvarande preanalytisk verksemd
Erfaring med drift og/eller leiing er ønskeleg
Kjennskap til kvalitetssystem og laboratorieprosessar
Må meistre godt norsk både munnleg og skriftleg
Det er ein fordel med relevant tilleggsutdanning

Personlege eigenskapar

Evne til samarbeid og lagarbeid. I tillegg må man kunne arbeide, sjølvstendig, effektivt og systematisk
Ansvarsbevisst
Interesse for utvikling og kvalitet
Personleg egnethet blir lagt vekt på

Vi tilbyr

Ei spennande stilling i eit fagmiljø i utvikling
Moglegheit til å vere med frå oppstart og påverke utforming av eininga
Fagleg utvikling og tett samarbeid med dyktige kollegaer
Gode pensjons- og velferdsordningar gjennom Helse Bergen
Lønn i samsvar med gjeldande overeinskomst

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Nina Marie Namtvedt, Seksjonsleiar, 55977829, nina.marie.namtvedt@helse-bergen.no
Ingunn Børø, Sjefbioingeniør, 55977882, ingunn.boro@helse-bergen.no

Arbeidsstad

Nesttunvegen 92
5221 Nesttun

Nøkkelinformasjon:

Arbeidsgivar: Helse Bergen HF

Referansenr.: 4998475181
Stillingsprosent: 100%
Fast
Søknadsfrist: 21.09.2025

Informasjonskapsler på arbeidsplassen.no

Rapporter annonse