Vil du jobbe i ein organisasjon som skapar blest og engasjement for folkemusikk og folkedans? Vil du vere med og vidareutvikle FolkOrgs nettstad og sosiale plattformer? Har du lyst til å arbeide i eit inkluderande og fagleg kompetent arbeidsmiljø?

Vi tilbyer ei spennande stilling for deg som er interessert i og oppteken av norsk musikkliv og norsk folkemusikk.

FolkOrg -- organisasjon for folkemusikk og folkedans har som sitt føremål å arbeide for folkemusikken og folkedansen i Noreg ved å styrkje deira rolle og vilkår i samfunnet. Vi har i dag om lag 4500 enkeltmedlemmer, og om lag 160 lokale og regionale spel- og danselag.

FolkOrg søker ein engasjert og utviklingsorientert rådgjevar innan kommunikasjon i inntil 100 % fast stilling. Rådgjevaren får ansvaret for FolkOrgs kommunikasjonsarbeid, profilering og pressearbeid. Arbeidet vil gå føre seg i tett samarbeid med dei andre tilsette i organisasjonen.

Ein liten del av stillinga (ca 20%) vil vere som prosjektmedarbeider knytt til for eksempel Folkelarm, seminar, prosjekt, gjennomføring av landsmøte, osv, samt ha ansvar for koordinering og rådgjeving knytt til FolkOrgs arrangørnettverk.

Døme på oppgåver i stillinga:

Ansvar for FolkOrg sine nettsider og sosiale plattformer.
Planlegging, koordinering og gjennomføring av profilering av FolkOrg gjennom presse- og marknadsføringsarbeid for arrangement, prosjekt og ulikt arbeid FolkOrg gjer.
Utforming og utsending av pressemeldingar, nyhendebrev, årsmelding m.m.
Ulike kommunikasjonsfaglege oppgåver og medlemskontakt.
Produksjon av tekst og bilete, samt grafisk formgjeving av ulikt slag.
Ulike arbeidsoppgåver, planleggings- og koordineringsarbeid knytt til ulike prosjekt som t.d. Folkelarm og landsmøte.
Koordinering og rådgjeving knytt til arrangørar på folkemusikkfeltet.

Ønska kvalifikasjonar:

Erfaring med kommunikasjons- og pressearbeid.
Ein god penn og eit godt språk - både på nynorsk og bokmål.
Evne til informasjonsstrategisk tenking og sjølvstendig arbeid.
Kompetanse og erfaring frå publisering og sosiale medium.
Erfaring med foto- og videoproduksjon og tilknytt programvare er ein fordel.
Kompetanse på grafisk formgjeving og t.d. bruk av Canva, inDesign osb.
Kjennskap til musikk- og/eller kulturfeltet, og helst kjennskap til folkemusikk- og folkedansfeltet.
Arrangørkompetanse/arrangørerfaring.
Høgare utdanning innan informasjon/kommunikasjon eller liknande. Relevant erfaring kan erstatte formell utdanning.

Personlege eigenskapar:

Du er kreativ, god formidlar og skriv godt og raskt.
Du har gode kontaktskapande eigenskapar samt god evne og vilje til samarbeid.
Du har gode planleggings- og gjennomføringsevner.
Du er sjølvgåande, initiativrik og strukturert.
Du er positiv, konstruktiv, fleksibel og ser gode løysingar.

Anna info:

Arbeidsstad er på FolkOrg sitt kontor i Møllergata 39 i Oslo.

Løn etter avtale. Den tilsette vil bli innlemma i organisasjonen sin pensjonsavtale.

Næraste overordna er dagleg leiar. Ein må rekne med noko ugunstig arbeidstid knytt til somme arrangement iløpet av året, t.d. landsmøte, Folkelarm, Landskappleiken og Landsfestivalen.

I tråd med utvikling i organisasjon og administrasjon kan det kome justeringar i ansvarsområdet for stillinga.

Dato for oppstart:

Så fort som råd.

For spørsmål om stillinga, ta kontakt med dagleg leiar i FolkOrg, Aslak Brimi, på telefon 90969383, eller e-post: aslak@folkorg.no.

Søknadsfrist 8. januar

Rapporter annonse