Vil du vere med og utvikle framtidas helsetenester?

Er du ein engasjert sjukepleiar som ønskjer å gjere ein forskjell i kvardagen til andre? Då vil me gjerne ha deg med på laget vårt!

I Heimebaserte tenester i Stord jobbar me tett på menneske -- med fagleg stoltheit, omsorg og fleksibilitet. Tenestene er organisert i områdevise helseteam, i tillegg til Demensteam og Sjukepleie- og mestringsteam som dekker heile kommunen. Me har fokus på å nytte ressursane våre best mogleg, med vekt på kompetanse, oppgåvedeling og fagleg utvikling.

Det er ledig fast 100% stilling som assisterande avdelingsleiar i Helseteam 1

Assisterande avdelingsleiar skal bidra til å sikre god drift, kvalitet og fagleg utvikling i tenesta. Du vil vere avdelingsleiar sin faste stedfortreder og få delegerte oppgåver innan leiing og koordinering.

Som assisterande avdelingsleiar i Helseteam 1 får du ei sentral rolle i å sikre god drift og kvalitet, og du blir ein viktig bidragsytar i utviklinga av tenesta. Her får du moglegheit til å påverke, leie og lære -- i eit miljø der me spelar kvarandre gode.

Arbeidstid og turnus

Dagtid på vekedagar
Helgearbeid i Sjukepleie- og mestringsteam
Vanleg praksis er arbeid kvar tredje helg, men nokre har arbeid kvar fjerde helg
Langvakter på helg kan vere aktuelt
Plassering i organisasjonen
Næraste overordna: Avdelingsleiar
Ved fråvær: Einingsleiar
Stedfortredar: Går inn for avdelingsleiar ved fråvær t.d i sommarferie

Arbeidsoppgåver

Stedfortredar for avdelingsleiar ved fråvær
Koordinere turnus, bemanning og dagleg drift
Følgje opp arbeidslister, fråvær og timelister
Sikre god informasjonsflyt og vere kontaktperson for tilsette
Følgje opp nye brukarar og planlegge oppgåvefordeling
Rettleie kollegaer, studentar og nytilsette
Sikre fagleg dokumentasjon og kvalitet
Delta i vurdering og oppfølging av brukarar med endra behov
Bidra til fagleg utvikling og implementering av velferdsteknologi
Personretta teneste i heimen. Du vil også ha pasientkontakt og utføre vanlege pleieoppgåver ved behov.

Personlege eigenskapar

Løysingsorientert, fleksibel og strukturert.
Evne til å arbeide sjølvstendig og ta avgjerder.
Gode samarbeidsevner og trygg i rolla som leiar.
Engasjement for fagleg utvikling og kvalitetsforbetring.
Evne til å kommunisere tydeleg og vere eit bindeledd mellom leiar og personal.

Kvalifikasjonskrav:

Offentleg godkjend sjukepleiar
Førarkort klasse B.
Gode norskkunnskapar, både munnleg og skriftleg.
Ved tilsetjing vert det stilt krav om at ein legg fram politiattest av ny dato.

Me tilbyr

Eit positivt og inkluderande arbeidsmiljø
Engasjerte kollegaer med brei kompetanse
God opplæring og oppfølging
Eit arbeidsmiljø med fokus på ansvar og oppgåvedeling
Høgt fagleg nivå og utviklingsmoglegheiter
IA-bedrift og tilgang til bedriftshelseteneste
Tilgang til Stord Ve og Vel. Leige av leilegheiter i Røldal og Husøy. tilgang til båt og utstyr
Lønn og vilkår etter gjeldande lov- og avtaleverk
Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.

Cookies for en trygg og bedre tjeneste

Rapporter annonse