Ønskjer du å jobbe innan psykisk helse og rustenesta?

Avdeling Plassen (Sogndal) og avdeling Leikanger treng vikarar, både i sommarferien og elles som tilkallingsvikar.

Avdelingane er forsterka bustader innan psykisk helse og rus.

Avdelingane er døgnbemanna og har turnus med døgnvakter, langvakter på 13 og 14 timar og vakande nattevakt. Ved bruk av denne type turnus kan du få langfri sjølv om du jobbar store delar av sommaren.

Sommaren 2025 treng me ferievikarar i perioden 25-33. Det er ynskjeleg med søkjarar som kan jobbe store deler av sommaren.

Oppgi i søknaden i kva periode/dagar du evt ikkje kan jobbe og i kva avdeling du ynskjer å jobbe.

Arbeidsoppgåver og ansvar:

· Målretta miljøarbeid

· Praktisk bistand i daglege oppgåver

· Delta i tverrfagleg samarbeid

· Medikamenthandtering.

· Rapportere og dokumentere i tråd med interne rutinar og gjeldande lovverk

Kvalifikasjonar:

3 årig helse og sosialfag
Helsefagarbeidar
Studentar innan helse- og sosialfag oppmodast om å søkje.
Førarkort klasse B
Gode norskkunnskapar
Politiattest av nyare dato ved tilsetting
Ynskjeleg at søkjar har erfaring med miljøterapeutisk arbeid

Personlege eigenskapar:

· Evne til å arbeide målretta, strukturert, fleksibelt og sjølvstendig.

· Har god relasjonskompetanse

· Er fleksibel og reflektert, og kan takle uforutsette situasjonar

· Gode samarbeidsevner og samstundes vera audmjuk for andre sin kompetanse og erfaring

· Personlege eigenskapar vil i stor grad bli vektlagd.

Det er eit overordna mål å sikre brukarane ein trygg og føreseieleg kvardag der tenesteutøvinga bidreg til rammer og kontinuitet. Det vil bli lagt stor vekt på personlege eigenskapar som respekt, toleranse, tolmod og evne til å handtere krevjande situasjonar. Dette i godt samarbeid med brukarar, og kollegaer internt og eksternt.

Som tilsett vert det forventa at du har evne til å setje deg inn i, og handle ut ifrå brukar sine samansette behov og at du bidreg til trivsel og godt miljø.

Me tilbyr:

· Varierte og spanande arbeidsoppgåver i ei teneste i utvikling og under oppbygging.

· Samarbeid med faglege dyktige medarbeidarar.

· Eit godt arbeidsmiljø.

· Gode pensjons- og forsikringsordningar

· Gode velferdsordningar

· Lønn etter tariffavtale

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt EasyCruit.

Link til søknadsskjema: Søk her

Informasjonskapsler på arbeidsplassen.no

Rapporter annonse