Vår juridiske rådgjevar går frå 1.11.2025 ut i ein 60 % permisjon og i den anledning søkjer me vikar i ein 60 - 100 % stilling. I stillinga vil du få ansvar for å levera juridisk rådgjeving internt i Kvam herad, og yte støtte til heile den kommunale organisasjonen med totalt ca. 1000 tilsette. Arbeidsoppgåvene er varierte og utfordrande, og dekkjer fleire ulike rettsområde innan kommunal forvaltning

Du må kunne jobba sjølvstendig, men vil og samarbeida med vår juridiske rådgjevar som framleis vil vera til stades i 40 % stilling, samt at du vil vera del av kommunen sitt innkjøpsteam. Stillinga innber og samarbeid med kollegaer innan alle dei ulike einingane i kommunen. Du vil bidra med kompetanse i bl.a. kontraktsrådgjeving, avtaleforvaltning, sakshandsaming og innkjøpsprosessar, og vera ein viktig del av den analytiske kompetansen i Kvam herad.

Arbeidsoppgåver

Juridisk rådgjeving tverrfagleg i Kvam herad
Forhandlingar og tvisteløysing
Kontraktsrådgjeving og avtaleforvaltning
Sakshandsaming
Oppfølging av klagesaker
Utarbeiding av juridiske betraktningar
Bidra med kompetanse og leia innkjøpsprosessar etter lov om offentlege anskaffingar
Moglegheit for foredrag og opplæring internt i kommunen

Kvalifikasjonar

Ynskjer fortrinnsvis at du har master i rettsvitskap/juridisk embetseksamen, men om ein ikkje får kvalifiserte søkjarar som er jurist kan det vera aktuelt å tilsetje rådgjevar med bachelor i rettsvitskap
Fordel med erfaring frå offentleg sektor og offentlege anskaffingar
Ynskjeleg med kjennskap til og forståing for samspelet mellom politikk og administrasjon
God norskkunnskap - munnleg og skriftleg
Digital kompetanse og interesse for å utvikla bruk av digitale løysingar
God munnleg og skriftleg framstillingsevne

Personlege eigenskapar

Me ser etter deg som:

Er analytisk, nøyaktig og strukturert
Samarbeider og kommuniserer godt med alle deler av organisasjonen
Jobbar sjølvstendig og trivst med varierte arbeidsoppgåver
Har god forståing for detaljar, samtidig som du ser heilskapen i det du jobbar med
Har evne til å jobba under tidspress og levera som avtalt
Har interesse for utvikling og bruk av IT-verktøy som forbetrar arbeidsprosessar

Me tilbyr

Spennande, meiningsfulle og utfordrande arbeidsoppgåver hos ein viktig samfunnsaktør som er i stor endring
Eit tverrfagleg og godt arbeidsmiljø der me jobber saman for å utvikla kvarandre og Kvam herad
Lønn etter avtale og gode pensjons- og forsikringsvilkår

Generell informasjon:

Søknadar må sendast via Webcruiter for å verta registrert på utlysingssaka
I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta
Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette

Den kommunale organisasjonen skal i størst mogleg grad spegla mangfaldet i folkesetnaden. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne.

Kontaktinformasjon

Bente Valland Bovim, Juridisk rådgjevar, 95064847
Heidi Ørjansen, Einingsleiar for samfunnsutvikling, +47 905 41 203

Arbeidsstad

Grovagjelet 16
5600 NORHEIMSUND

Nøkkelinformasjon:

Arbeidsgivar: Kvam herad

Referansenr.: 5005944556
Stillingsprosent: 100%
Vikar
Startdato: 03.11.2025
Søknadsfrist: 12.10.2025

Vi bruker cookies

Rapporter annonse