Ved Høgskulen på Vestlandet er det ledig ei fast stilling som førsteamanuensis/førstelektor/høgskulelektor i idrett med på fysisk aktivitet i folkehelsearbeid ved Fakultet for lærarutdanning, kultur og idrett.

Stillinga inngår i Institutt for idrett, kosthald og naturfag, campus Bergen

Ansvars- og arbeidsoppgåver:

Stillinga har følgjande ansvars- og arbeidsoppgåver:

Undervise i teoretiske emne og praktisk fysisk aktivitet ute og inne, og rettleie og utvikle studentaktive læringsformer innan folkehelsearbeid og i tråd med krav i studietilsynsforskrifta. Desse oppgåvene vil primært vere knytt til bachelor i folkehelsearbeid med vekt på kosthald og fysisk aktivitet. I tillegg kan det bli aktuelt å undervise i internasjonale emne, etter- og vidareutdanning i folkehelsearbeid, samt idrett og kroppsøving. Det kan også vere aktuelt med undervisning innan kosthald og ernæring for søkarar med relevant bakgrunnskompetanse/kompetanseprofil.
Rettleie bachelor og masteroppgåver.
Forskings- og utviklingsarbeid med klar relevans for instituttet sine fagområde innan idrett og fysisk aktivitet. Fakultetet har 5 strategiske forskingsprogram (Idrett, fysisk aktivitet og kosthald, Berekraft, medverknad og mangfald, Kunst, kreativitet og kulturelle praksisar, Språk, kommunikasjon og læring, og Praksisnær profesjons- og utdanningsforsking) og det blir forventa at dei tilsette bidreg med forsking innretta mot eitt eller fleire av programma.
Delta i utvikling av forskingsprosjekt og utarbeide søknader om ekstern finansiering samen med kollegaer i fagmiljøet.
Institusjonsbyggjande arbeid irekna: rettleie tilsette, fagadministrative oppgåver, internasjonalisering og samhandling med eksterne partnarar.
Det kan bli aktuelt med noko reising i stillinga.

Kvalifikasjonskrav:

Kriteria for tilsetjing i stilling som førsteamanuensis/førstelektor går fram av Forskrift til universitets- og høyskoleloven .

Formelle kvalifikasjonar:

For fast tilsetjing som førsteamanuensis må søkjar ha mastergrad/hovudfag innan fysisk aktivitet/idrett eller tilsvarande og ha avlagt doktorgrad med relevans for folkehelsearbeid.
For fast tilsetjing som førstelektor må søkjar ha ha mastergrad/hovudfag innan fysisk aktivitet/idrett eller tilsvarande, samt førstekompetanse i samsvar med forskrifta og med tilsvarande relevanskrav som for førsteamanuensis.
For tilsetjing som høgskulelektor må søkar ha mastergrad/hovudfag innan fysisk aktivitet/idrett eller tilsvarande med relevans for stillingsprofilen med godt resultat, normalt A eller B på masteroppgåva.
Utdanningsfagleg kompetanse er eit krav for stillinga.

Personlege eigenskapar:

Den som vert tilsett må ha gode samarbeids- og formidlingsevner, men òg evne til å arbeide sjølvstendig, ta initiativ og vere fleksibel.
Høgt etisk medvit i møte med studentar og tilsette er påkravd.
Den som vert tilsett må vere personleg eigna for stillinga.

Språkkrav:

Undervisningsspråket er til vanleg norsk og søkjarar må meistre norsk eller eit anna skandinavisk språk. HVL har og aukande tilstrøyming av studentar utanfor Skandinavia og det kan bli aktuelt å undervise på engelsk.
Søkjarar som ikkje meistrar norsk eller eit anna skandinavisk språk må plikte seg til å gjennomføre kurs i norskopplæring innan to år frå tilsetjingsdato. Kravet til norsk kompetanse er nedfelt i Norskopplæring for tilsette med internasjonal bakgrunn ved FLKI.

Følgjande tel positivt i vurderinga:

Erfaring med folkehelsearbeid frå praksisfeltet.
Erfaring med organisering og tilrettelegging av fysiske aktivitetar for ulike grupper i samfunnet.
Relevant kompetanse og/eller erfaring innan ulike rørsleaktivitetar.
Internasjonal erfaring med undervising og/eller forsking.
Erfaring frå relevante forskings- og utviklingsprosjekt, irekna erfaring med å skaffe ekstern finansiering og utvikling av forskings- og utviklingsprosjekt med praksisfeltet
Variert rettleiarerfaring
Aktiv bruk digitale verktøy i arbeidskvardagen og erfaring med pedagogisk bruk av IKT.
Pedagogisk kompetanse og relevant erfaring frå barnehage, grunnskule, vidaregåande opplæring eller høgare utdanning

Utdanningsfagleg kompetanse:

For stilling som førsteamanuensis skal søkjarar dokumentere utdanningsfagleg kompetanse med ei pedagogisk mappe og ein pedagogisk CV i tråd med Kriteriar for utdanningsfagleg basiskompetanse ved tilsetting og opprykk i førsteamanuensis- og professorstilling ved HVL.

For stilling som førstelektor skal søkjarar dokumentere relevant praktisk-pedagogisk kompetanse på grunnlag av utdanning eller undervisning og rettleiing.

Søkjarar som ved tilsetting ikkje fyller krava, må fylle dei innan to år. HVL tilbyr kurs i høgskolepedagogikk.

Sakkunnig vurdering:

Søkjarar til vitskaplege stillingar vert vurdert av eit sakkunnig utval. Vurderinga skjer på bakgrunn av dokumentert kompetanse, oversikt over arbeida dine, kvar dei er offentleggjort og inntil 5 vitskaplege arbeid som skal leggast ved søknaden i fulltekst. Tilsetjingsorgan er tilsetjingsutval ved Høgskulen på Vestlandet.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Vi gjer merksam på at søknadar vert vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkjars ansvar å sørgje for at alle relevante vedlegg er lagt inn innan fristen, irekna:

Vitskaplege arbeid (inntil 5 stk.)
Fullstendig publikasjonsliste
Attestar og vitnemål.

Dersom vitnemåla, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Om vedlegga overstig 25 MB må dei komprimerast før opplasting eller leggjast ved som lenkje, total maksgrense for opplasting av vedlegg er 50 MB.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning.

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.

Søknadane vert sendt elektronisk til det sakkunige utvalet. På bakgrunn av utvalet si vurdering vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen.

Vi tilbyr:

Gode pensjons-, forsikrings-, og låneordningar i Statens pensjonskasse
Spennande fagmiljø med moglegheit for kompetanseheving - og utvikling
Høve for trening i arbeidstida

Stillinga er løna etter Statens lønsregulativ, i stillingskode 1011- førsteamanuensis / 1198 - førstelektor / 1008 - høgskulelektor.

Frå løna vil det bli trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskriften kan komme til anvending behandlingen av søknadane.

Kontaktperson ved Høgskulen på Vestlandet er:

1) Assisterande instituttleiar, Bernt Rydland Olsen, brol@hvl.no, 55 58 56 52/41 67 49 08

Inkludere, utfordre og samhandle

Les meir på våre heimesider.

Informasjonskapsler på arbeidsplassen.no

Rapporter annonse