UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/M5n6RnScNgA

Førsteamanuensis

Velkomen som søkjar til fast stilling som førsteamanuensis i filosofi (rettsfilosofi) ved Det humanistiske fakultet. Stillinga er knytt til Examen philosophicum-undervisninga ved Det juridiske fakultet.

Om Det humanistiske fakultet og Institutt for filosofi og førstesemesterstudium

Det humanistiske fakultetet har sju einingar: fire institutt, to sentre og fakultetsadministrasjonen. Examen philosophicum blir drifta av Institutt for filosofi og førstesemesterstudium, og den som blir tilsett får sin arbeidsplass ved dette instituttet.

Institutt for filosofi og førstesemesterstudium har om lag 70 tilsette på heil- og deltid, inkludert om lag ti stipendiat- og postdoktorstillingar. Instituttet tilbyr undervisning på bachelor-, master- og ph.d.-nivå i filosofi. I tillegg har instituttet ansvar for å drive Universitetet i Bergen sitt Examen philosophicum-tilbod samt ulike førstesemesteremne ved Det humanistiske fakultet.

Les meir om Examen philosophicum - seminarmodell | UiB.

Les meir om fakultetet og tilhøyrande institutt og senter.

Arbeidsoppgåver:

Undervisning (forelesningar og seminarundervisning), rettleiing og sensurarbeid ved Examen philosophicum-varianten ved Det juridiske fakultet. Til stillinga blir det også lagt emneansvar for denne varianten, om lag halvdelen av stillinga vil gå med til denne oppgåva. Det blir venta at den som blir tilsett blir ein aktiv pådrivar både i drifta og vidareutviklinga av emnet.

Kvalifikasjonar og eigenskapar:

Søkjar må ha forskingskompetanse i filosofi tilsvarande norsk doktorgrad.
Solid erfaring med relevant undervisning og rettleiing på universitets- og høgskulenivå er eit krav.
Forskingskompetanse i rettsfilosofiske emne er eit krav.
Det er naudsynt med juridisk/rettsvitskapeleg kompetanse på høgt nivå, gjerne juridisk embetseksamen/mastergrad i rettsvitskap. Formell kompetanse i juridiske fag blir høgt vektlagt i vurderinga av søkjarane.
Søkjar må ha utdanningsfagleg kompetanse, sjå Reglar for vurdering av utdanningsfagleg kompetanse.
Gode norskkunnskapar.
Gode engelskkunnskapar.
Søkjar må ha gode samarbeidsevner og evne til å bidra til eit positivt arbeidsmiljø.

Personlege eigenskapar vil bli vektlagd i vurderinga.

Tilsetjing i stillinga krev at ein har arbeidsplass ved Universitetet i Bergen tilsvarande stillingsprosenten.

Den som blir tilsett må retta seg etter dei retningslinene som til kvar tid gjeld for stillinga.

Vi tilbyr:

Eit godt og fagleg utfordrande arbeidsmiljø.
Brutto årsløn tilsvarande kr. 757 600 til 785 000 for full stilling. For særskilt kvalifiserte søkjarar kan det bli aktuelt å vurdere høgare løn.
Medlemsskap i Statens pensjonskasse.
Gode velferdsordningar.

Slik søkjer du stillinga:

Søknaden skal sendast elektronisk og innan fristen via lenkja «SØK STILLINGA» på denne sida. Søkjaren må nytte det elektroniske CV-skjemaet. Søknaden skal innehalde:

Søknadsbrev.
CV.
Alle vitnemål frå universitet/høgskule og attestar (skanna versjon av originalar eller attesterte kopiar).
Utdanningsfagleg mappe og refleksjonsnotat (meir informasjon her).
Informasjon om og dokumentasjon av administrativ røynsle og andre relevante kvalifikasjonar.
Fullstendig liste over akademiske publikasjonar.
Inntil fem vitskapeleg arbeid (kan inkludere avhandlingar, monografiar eller artiklar/kapittel) som det skal takast omsyn til i vurderinga. Dersom upublisert arbeid blir lagt ved må dette grunngjevast særskilt. Ved samforfattarskap må søkjar gjere greie for deira bidrag til arbeidet.
Namn og kontaktinformasjon for tre referansepersonar. Ein av desse bør vera noverande eller tidlegare overordna.

Søknad og vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vedlegga kan vere i Word- eller PDF-format, og må lastast opp i Jobbnorge innan søknadsfristen.

Vi gjer merksam på at søknadene blir vurderte ut frå den informasjonen som er tilgjengeleg i Jobbnorge når søknadsfristen går ut. Søkjaren har sjølv ansvaret for å sjå til at all informasjon er lasta opp før fristen.

Aktuelle kandidatar vil bli inviterte til intervju og prøveforelesing ultimo oktober.

Følg denne lenka for meir informasjon om tilsetjingsprosessen.

Generell informasjon:

Utfyllande opplysningar om stillinga kan ein få ved å vende seg til instituttleiar professor Steinar Bøyum på e-post steinar.boyum@uib.no.

Spørsmål til den elektroniske søkeprosessen kan rettast til Det humanistiske fakultet på e-post: fakadm@hf.uib.no.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar særleg kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar også søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Søknadsfrist: 21.09.2025.

UiB-id: 2025/8284.

Informasjonskapsler på arbeidsplassen.no

Rapporter annonse