Sogndal kommune søkjer ein trygg og framtidsretta leiar til Bu- og miljøtenesta i Balestrand. Tenesta omfattar tre avdelingar og eitt aktivitetssenter. Tenesta er delt mellom to likeverdige avdelingsleiarar.

Er du ein inkluderande lagbyggjar som vil vere med å utvikle tenester som gjev brukarane ein meiningsfull kvardag og tilsette ein god arbeidsplass? Då kan dette vere stillinga for deg!

Dette er ei leiarstilling der du får bruke både hjarta og hovudet. Du skal leie, støtte, inspirere og halde retning i ein kvardag som stadig endrar seg. Det er ein viktig jobb, og me veit at den rette personen kan gjere ein stor forskjell.

Er det deg?

Bu- og miljøtenesta i Balestrand gir tenester til menneske med ulike funksjonsnedsettingar og samansette behov. Som avdelingsleiar vil du mellom anna få det faglege ansvaret tenesta og vil vere ein del av leiarteamet i tenesta.

Du vil mellom anna få arbeide med:

Å leie den daglege drifta av bustader i Balestrand
Ha personalansvar for dyktige og dedikerte medarbeidarar
Ha økonomiansvar med budsjettoppfølging og ressursstyring
Sikre at tenestene er i tråd med lovverk, faglege retningslinjer og brukarane sine behov
Bidra til utvikling av berekraftige og framtidsretta tenester
Skape eit arbeidsmiljø prega av tillit, medverknad og fagleg utvikling

Kva forventar me av deg?

Du har høgare utdanning innan helse- og sosialfag (minimum bachelor)
Du har god kjennskap til relevant lovverk og faglege retningslinjer
Du har gode digitale ferdigheiter
Du er flink til å bygge relasjonar
Du har gode norskkunnskapar, både munnleg og skriftleg
Du tek initiativ og jobbar målretta for å skape resultat
Du har heilskapsforståing og evne til å sjå både detaljar og samanhengar
Du har gode samarbeidsevner og kommunikasjonsferdigheiter
Du jobbar godt både sjølvstendig og i team
Du er lærevillig og fleksibel – og nysgjerrig på kva som verkar
Du har relevant utdanning og/eller erfaring frå prosjektarbeid

Du er ein leiar som er trygg, tydeleg og inkluderande. Har du leiarerfaring er det flott, men det er ikkje eit absolutt krav. Du er strukturert og handlekraftig, men samstundes lyttande og open for innspel. Du ser moglegheiter der andre ser utfordringar, og du trivst med å leie gjennom tillit, samarbeid og fagleg engasjement.
Du motiverer dei rundt deg, byggjer kultur for læring og utvikling, og har eit sterkt ønskje om å bidra til eit godt og framtidsretta tenestetilbod.

Du bryr deg om samfunnsoppdraget i kommunen og har eit ekte engasjement for det som er bra for folk – både no og i framtida. Du lærer raskt og trivst med å utvikle og justere retning undervegs når det er naudsynt. Du er komfortabel med kompleksitet, og står stødig når ikkje alt er ferdigtenkt.

Personlege eigenskapar vil bli tillagt stor vekt.

Vil du vere med oss vidare?

Ei meiningsfull avdelingsleiarstilling i eit fagmiljø med høg kompetanse og godt samarbeid

Moglegheit til å påverke og utvikle tenestene i tråd med framtidas behov

Løn etter avtale og gode pensjons- og forsikringsordningar gjennom KLP

Bli med og bygg framtidas helsetenester i Balestrand - der me ser folk, ikkje berre oppgåver.

Intervju vil bli gjennomført i veke 49

Me ønskjer eit arbeidsmiljø prega av mangfald, og at dei tilsette speglar folkesetnaden elles. Me oppmodar alle som er kvalifiserte til å søkje, uavhengig av alder, funksjonsevne, kjønn eller bakgrunn. Me legg til rette for gode arbeidsforhold dersom du har behov for det.

Administrasjonsmålet i kommunen er nynorsk.

Alle tilsetjingar skjer med seks månaders prøvetid.

I følgje offentleglova § 25 kan opplysningar om søkjarar gjerast offentlege sjølv om du har bede om unntak. Du blir varsla dersom det skjer.

Søknadar må sendast via rekrutteringssystemet vårt EasyCruit innan fristen.

Link til søknadsskjema: Søk her

Cookies for en trygg og bedre tjeneste

Rapporter annonse