Fjord1 er Noregs leiande ferjeselskap og ein sentral aktør i det grøne skiftet innan transportsektoren. Vi kombinerer lange maritime tradisjonar med modernisering, teknologi og framtidsretta drift. Vi opererer innan både ferje- og hurtigbåtsegment , og søkjer no tekniske inspektørar til begge områda .Som del av vårt operative, tekniske fagmiljø får du ei sentral rolle i utviklinga og oppfølginga av ein moderne, miljøvennleg flåte.

Stillingane har kontorstad ved Fjord1 sitt kontor i Bergen, men vil ha tett samarbeid med dei tekniske fagmiljøa ved kontora i Florø og Molde Du får ansvar for ei portefølje på fem til seks fartøy - samt tilhøyrande autonomt ladesystem, og blir ein sentral ressurs i arbeidet med vedlikehald, klassing, verkstadopphald, samt teknisk dokumentasjon og vedlikehaldsbudsjett. Rolla krev god operasjonell forståing, evne til å handtere fleire parallelle prosessar -- og vilje til å ta ansvar og eigarskap til eigne oppgåver.

Stillinga er organisatorisk forankra i teknisk driftseining. Reiseverksemd inngår, men er hovudsakleg avgrensa til regionen, samt mot Fjord1 sitt hovudkontor i Florø.

Som teknisk inspektør i Fjord1 får du ansvar for den tekniske oppfølginga av ei definert fartøyportefølje. Du jobbar tett med drift, innkjøp, verft og klasseselskap, og bidreg til at verkstadopphald, revisjonar og teknisk dokumentasjon blir gjennomført i tråd med krav og kvalitet. Du blir del av eit operativt miljø med høg teknisk kompetanse og moderne støttesystem.

Ansvarsområde

Teknisk oppfølging og vedlikehald av fartøy i eiga portefølje
Planlegging og koordinering av verkstadopphald og klassing
Budsjettering og dokumentasjon i vedlikehaldssystem
Kontakt med klasseselskap, leverandørar og relevante myndigheiter
Samarbeid med drift og teknisk leiing om løpande driftsforbetringar

Kven ser vi etter?

Vi ser etter deg som har teknisk forståing, evne til å jobbe strukturert og ønskjer å vere tett på fartøy og operativ drift. Du har gjerne erfaring frå maritim teknisk rolle -- som maskinsjef, maskinist eller teknisk ansvarleg -- og ønskjer å bruke kompetansen din i ei utviklingsretta rolle på land.

Aktuelle bakgrunnar kan vere:

Maskinsjef, maskinist eller teknisk personell frå ferje, offshore, verft, rederi eller med annan teknisk bakgrunn
Driftserfaring frå maritim sektor, klasseselskap eller teknisk støttefunksjon
Fagbrev og/eller høgare utdanning innan tekniske eller maritime fag
Gode framstillingsevner på norsk, både munnleg og skriftleg

Du må kunne arbeide strukturert og sjølvstendig, men også vere ein lagspelar i eit operativt miljø. Reiseaktivitet og fysisk tilstadesværelse er ein naturleg del av kvardagen.

Dette tilbyr vi deg

Ei sentral rolle i teknisk drift i Noregs leiande ferjeselskap
Ein arbeidsgivar med tydeleg miljøprofil og gode løysingar knytt til framdriftsteknologi
Eit erfarent og samarbeidsorientert fagmiljø
Moglegheit til å forme eigne arbeidsdagar og ta ansvar for eigen portefølje

Eit mannskap for alle

Vi veit at eit mangfald av perspektiv og erfaringar gjer oss sterkare. Vi ønskjer kollegaer med ulike bakgrunnar, kompetansar og livserfaringar, og vi oppmodar alle kvalifiserte kandidatar til å søkje. Våre kontorlokaler er universelt utforma, slik at du kan trivast og jobbe godt uavhengig av behov eller funksjonsevne. Her hos oss handlar det om kva du kan bidra med, ikkje kvar du kjem frå.

Lyst til å høyre meir?

Ta kontakt med:
Asbjørn Grini -- 917 94 825 -- asbjorn@visere.no
Daniel Klakegg Dvergsdal -- 904 79 470 -- daniel@visere.no

Søknadsfrist: 23.11-25 Søknadar vert handsama fortløpande.

Vi bruker cookies

Rapporter annonse