Barne- og ungdomsklinikken (BUK) er landets nest største barneavdeling, regionsjukehus på Vestlandet og førande i behandling av barnesjukdommar. Vi skal dekke lokale, regionale og enkelte nasjonale behov for spesialisthelsetenesta for barn og unge inntil fylte 18 år, og er lokalisert i Glasblokkene ved Haukeland universitetssjukehus.

Vi har eit kontinuerleg fokus på utvikling, samhandling og forbetring, og nyleg samla vi all utgreiing, behandling og oppfølging av barn innan somatikk og psykisk helsevern i Glasblokkene. Dette gir nye og spennande moglegheiter for framtida.

BUK har 67 senger fordelt på fem seksjonar: Nyføddintensiv, Medisin A, Medisin B, Medisin C og Barnekirurgi. I tillegg har vi Seksjon for legar, Seksjon for kontor, Energisenteret, Habiliteringstenesta og Stab. I 2023 hadde vi totalt 350 årsverk, om lag 4 000 innleggingar og 33 000 polikliniske konsultasjonar.

Les meir om oss: Barne- og ungdomsklinikken

Barne- og ungdomsklinikken flytta hausten 2023 inn i Glasblokkene, der vi mellom anna har eit eige mottak for barn og unge. Vi ønskjer å videreutvikle vårt arbeid i mottak, og har nyleg starta eit prosjekt leia av ein erfaren barnelege saman med seksjonsoverlege ved Medisin C. Prosjektet inneber mellom anna framskoten kompetanse med overlege tilstades i mottak. Prosjektet har varighet 1 år med mogleg forlenging, og blir evaluert undervegs.

For å styrke prosjektet søker vi ein barnelege med særleg interesse for akutt- og mottaksmedisin. Du vil få ei sentral rolle i utviklinga av tilbodet i mottak, i tett samhandling med andre legar ved seksjonen. Stillinga er tilknytt Medisin C, som har ansvar for både mottak og barneovervaking, samt eigen sengepost for generell pediatri, lungesjukdomar, infeksjonssjukdomar og allergi.

Vi søker fortrinnsvis ein spesialist i barnemedisin til prosjektstillinga, men legar i spesialisering innan barnesjukdomar med interesse for akuttmedisin, er òg velkomne til å søke.

Vi legg stor vekt på personlege eigenskapar som gode samarbeidsevner, pedagogiske ferdigheiter, høg arbeidskapasitet, hjelpsemd, fleksibilitet og evne til å jobbe sjølvstendig og strukturert.

Arbeidsoppgåver

Delta i utvikling av framskoten kompetanse i mottak
Ansvar for behandling og oppfølging av inneliggande pasientar
Arbeid i sengepost og på poliklinikk
12 delt tilstades bakvakt etter kvalifikasjonar og klinikkens behov
Deltaking i undervisning og rettleiing av legar, studentar og anna helsepersonell

Kvalifikasjonar

Norsk autorisasjon som lege
Godkjend spesialist i barnesjukdomar, lege i spesialisering innan barnemedisin vil bli vurdert
Ønskeleg med forskarerfaring
Gode samarbeidsevner og ønske om å vere del av eit tverrfagleg team
Norsk/skandinavisk språk munnleg og skriftleg
God skriftleg dokumentasjonsevne
Vedkomande som får tilbod om stillinga må legge fram godkjend politiattest (vandel) jf. Lov om helsepersonell § 20a

Personlege eigenskapar

Gode samarbeidsevner og arbeider strukturert og målretta
Du må kunne arbeide sjølvstendig men og ønske å vere del av eit tverrfagleg team
God fagleg vurderingsevne
Du etablerer gode samarabeidsrelasjoner med andre yrkesgrupper og samarbeidspartnarar
Du evnar å få fram det beste i andre

Vi tilbyr

Godt arbeidsmiljø prega av kompetente medarbeidarar som er opptatt av å gjere ein god jobb
Lønn i samsvar med gjeldande overeinskomst
Fagleg og personleg utvikling
Gode pensjons- og forsikringsordningar
Eit rikhaldig bedriftsidrettstilbod

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Karin Birgitta Tylleskar, Overlege, 55975246

Arbeidsstad

Haukelandsbakken 15
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5022243892
Stillingsprosent: 100%
Engasjement
Søknadsfrist: 12.10.2025

Cookies for en trygg og bedre tjeneste

Rapporter annonse