Klør det i fingrane når du sit i ro? Blir du smågretten av å vere inne ein heil dag? Då passar du inn hos oss! Uansett vèr, uansett vind: Me må ut!

Me er ein liten barnehage med store ambisjonar. Dei tilsette eig barnehagen, og dette gjer oss heilt spesielle. Med naturen og oppdagarglede i sentrum utforsker me både skog og sjø. Utfordringane er mange, og våre idear er ville. Du seier ikkje nei, men spør deg sjølv: "Tenk om det går!?"

Me er på jakt etter nokon som vil verte ein del av vårt vinnarlag. Det å vere ein Breiflabb er ikkje som å jobbe i andre barnehagar. Det er ein livsstil. Me brenn og blør for kvarandre og barna, med runde kantar og stå-på-vilje. Omsorg og naturopplevingar - hand i hand!

Me har 46 plassar fordelt på to avdelingar

Småbarnsavdelinga består av 9 barn frå 0-2 år og skal vere ein trygg inngangsport til friluftsliv prega av harmoni, omsorg, tryggleik og glede i naturen. Avdelinga for store barn består av 21 barn frå 2-6 år og er prega av lengre turar og meir action, men det same fokuset på dei gode naturopplevingane dominerer.

Kompetanse innan friluftsliv, musikk og data er meget ettertrakta, men vilje, engasjement og omsorg er viktigast.

Felles for alle tilsette er at me meiner ei oppvekst i variert og kompleks natur er best, samstundes som me alle har våre styrkar - og det er det som gjer oss ekstra gode: Me utfyller kvarandre og speler kvarandre sterke.

Har du lyst til å verte ein del av oss? Ta kontakt så vert me kjende!

PS: Dette er i utgongspunktet ei stilling på småbarnsavdeling, så den som verkeleg brenn for friluftsliv for dei yngste kan finne draumen sin. Men om den rette kandidaten for dei større barna dukkar opp kan me endre planane ;) Dette er den fyrste av fleire komande stillingar hos oss, så ta kontakt.

Informasjonskapsler på arbeidsplassen.no

Rapporter annonse