Ønskjer du nye utfordringar i 2026?

Kva med å bli ein del av eit fagfelt i stadig utvikling, der du som lege kan utvikle og bruke din samla kompetanse innan både rus- og avhengigheitsmedisin, psykiatri og somatikk? Ønsker du å jobbe i eit godt tverrfagleg arbeidsmiljø? Då bør du vurdere ei stilling hos oss!

Vi har no ledige vikariat ved begge seksjonene våre i Avdeling TSB Molde. Vikariatet tilknytta poliklinikken vil vere av lengre varigheit. Vi søkjer etter legar med interesse og engasjement for rusfeltet, og som vil vere med å vidareutvikle eit godt og heilheitleg behandlingstilbod for pasientar i tverrfagleg spesialisert rusbehandling (TSB).

Avdeling TSB gjev tverrfagleg spesialisert behandling til vaksne med rus- og avhengigheitslidingar. Individuelt tilpassa behandling vert gjeve i form av poliklinisk oppfølging, avrusing (akutt og elektiv) samt differensiert døgnbehandling. Avdelinga består av poliklinikk, avrusning og korttidsdøgn i Ålesund, og poliklinikk og langtidsdøgn i Molde. I tillegg tilbyr TSB eigen poliklinisk oppfølging til pårørande, behandling av spelavhengigheit og behandling av anabole steroider. For å sikre heilskaplege og koordinerte tenestar samarbeidar TSB med ulike eksterne instanser.

Stillingane inneber eit tett samarbeid med dei andre seksjonane og legene i avd. TSB. For begge stillingane gjeld inga vaktordning og tiltreding etter nærare avtale.

Ta gjerne kontakt for ein uformell prat om du ønskjer meir informasjon. Du er velkomen som søkjar!

Arbeidsoppgåver

Mottak, utgreiing, diagnostisering og behandling av pasientar med rus- og avhengighetslidingar og komorbiditet, inkl. LAR
Deltaking i tverrfagleg samarbeid og drøftingar
Undervisning og veiledning internt og eksternt

Kvalifikasjonar

Norsk autorisasjon som lege
Godkjend turnusteneste/ LIS 1 eller teneste som etter gjeldande norsk regelverk kan leggast til grunn for tilsetting i LIS 2/3 stilling i rus- og avhengigheitsmedisin
Cand.med. som ventar på å gjennomføre LIS1 kan også søkje midlertidig stilling
Det blir lagt vekt på relevant yrkeserfaring og klinisk erfaring
Må ha gode munnlege og skriftlege norskkunnskapar

Personlege eigenskapar

Vi søkjer deg som trivast med å arbeide i team på tvers av profesjonar og yrkesgrupper, men også har god evne til å arbeide sjølvstendig
Du har eit fagleg engasjement og interesse for eit breitt spekter av somatiske, rusmedisinske og psykiatriske sjukdomstilstandar og korleis desse verkar inn på kvarandre
Du har gode kommunikasjonsevner, er fleksibel og løysingsorientert

Å vere personleg eigna vert vektlagt ved tilsetting.

Vi tilbyr

Rettleiing av erfarne overlegar
Variert, utfordrande og lærerik teneste
Sterkt tverrfagleg samarbeid
Ein inkluderande arbeidsplass
Løn etter gjeldande overeinskomstar
Medlemskap i god offentleg pensjonsordning og fordelaktige forsikringsvilkår

Attestert tenestebevis frå tidlegare arbeidsgjevarar, og ev anna relevant dokumentasjon må leggast ved søknad på stilling som lege i spesialisering.

Byen vår! Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Vi har fleire daglege flyavgangar til Oslo og internasjonale ruter. Molde by fornyar seg med m.a. ny sjøfront og fleire spennande kaféer og spisestader. Les meir om Molde her

Kontaktinformasjon

Ann Kristin Lillebostad Hovden, Seksjonsleiar, Ann.Kristin.Lillebostad.Hovden@helse-mr.no

Arbeidsstad

Strandgata 1
6415 Molde

Nøkkelinformasjon:

Arbeidsgivar: Helse Møre og Romsdal HF

Referansenr.: 5078479992
Stillingsprosent: 100%
Vikariat
Søknadsfrist: 31.03.2026

Rapporter annonse