Vil du jobba kombiteneste i Sogn og Fjordane? Sjekk denne annonsen!

Me har ledig faste og mellombelse stillingar som politibetjent 3/2/1 i Nordfjord, Sunnfjord og Sogn. Me forventar også at det vil bli ledige stillingar framover. Dette er kombistillingar med arbeidsoppgåver innan førebygging, orden og etterforsking, der etterforsking utgjer i overkant av 50 prosent av innhaldet i stillinga.

Med om lag 150 årsverk sørvar me 110000 innbyggjarar. Me ynskjer å vera i forkant av kriminaliteten, og samarbeider tett med kommunar, frivillige organisasjonar og næringsliv for å bidra til at Sogn og Fjordane også i framtida skal vera ein trygg stad å bu. Me leverer 24/7 beredskap, er synleg i lokalmiljøet og bidreg til god oppklaring gjennom desentralisert etterforskingsstruktur. Me har også ein eigen etterforskingsavdeling som jobbar med dei høgst prioriterte straffesakene. Årleg utstedar me om lag 16000 pass og id-kort, og me har full portefølje innan namsmannsoppgåver.

Du som jobbar kombiteneste utgjer politpatrulja i distriktet. Den skal førebyggja, avdekka og etterforska kriminalitet. I tillegg skal politipatrulja yta publikum service, hjelp og vern når situasjonen krev det. Politiarbeid på staden (PPS) er ein sentral arbeidsmetode for politipatruljen, og bind saman politioperativt arbeid med etterforsking og førebyggjing.

Arbeidsdagen vår er spennande, variert og hektisk, der det er behov for å snu seg rundt på kort varsel. Du får brukt heile deg! Du inngår som ein del av den daglege beredskapen i heile Sogn og Fjordane. Du er ute og løyser oppdraget, og så får du vera med å etterforska saka vidare.

Du får også vera med å utvikla dine operative ferdigheitene gjennom gode IP-treningar. Som etterforskar føl du OÅO. I tillegg kan du søkja vidareutdanningar.

I Sogn og Fjordane er det mogelegheiter for karrierereiser og fagutvikling innan etterforsking, førebygging og operativt politiarbeid; t.d. innsatsleiing, UEH, etterforskingsleiing, fagleiing, politikontakt, spesialetterforsking, tilrettelagd avhøyr, trafikk, digitalt politiarbeid, osv.

Sogn og Fjordane byr og på eit eldorado innan friluft både sommar og vinter. Her kan du boltra deg på ski nedetter bratte fjellsider, eller nyta livet på ein knaus eller strand ved sjøen. Det er ikkje utan grunn at Sogn og Fjordane før ny fylkesstruktur vart definert som trivselsfylket!

Har du studielån, så vil du også kunne få gjeldssletting i samsvar med lånekassen sine nye reglar.

Medarbeidarane våre fortel om eit ope og inkluderande arbeidsmiljø med godt ytrings- og samarbeidsklima.

Er du framoverlent, fleksibel, anvarsfull og evnar å jobba sjølvstendig med varierte oppgåver i eit mindre lokalmiljø? Då er det kanskje nettopp deg me treng i Sogn og Fjordane!

Arbeidsoppgåver

Kombinert teneste (førebygging, etterforsking og patrulje)
Vakt og beredskap i turnusteneste etter dei til ei kvar tid gjeldande tenestelister. Beredskapsvakt må påreknast
Andre oppgåver pålagd av overordna

Kvalifikasjonar

Du må ha plettfri vandel og vere skikka for teneste i politiet. Uttømmande og utvida politiattest må innhentast ved evt. ansettelse jf. politilova § 18 og politiregisterlova § 41.

Personege eigenskapar

Evne til å arbeide sjølvstendig og systematisk i ein hektisk arbeidskvardag
Resultatorientert med evne til å ta avgjerder og ha god gjennomføringsevne
God på samarbeid med evne til å skapa samhald og trivsel
Ansvarsfull, fleksibel og løysingsorientert
Engasjert i samfunnsoppdraget
Særleg kunnskap om og motivasjon for å bli og utvikla deg i GDE Sogn og Fjordane vil bli etterspurd og vektlagt

Me ynskjer også at du er modig og heilskapsorientert, samt at du viser respekt og er tett på. Me jobbar saman for fellesskapets beste i tråd med lovar, reglar og verdiane våre.

Me tilbyr

Ein utfordrande og spennande arbeidsplass for deg som vil vera med på å forma framtidas politi
Stillingane blir lønna som politibetjent 3/2/1 - SKO 1461/1459/1457:
- Politibetjent 3 - brutto årslønn frå kr. 602 000
- Politibetjent 2 - brutto årslønn frå kr. 510 000
- Politibetjent 1 - brutto årslønn frå kr. 480 000
- Vidare lønnsutvikling vil skje i henhold til hovudtariffavtalane i staten.
Oppnormering/omgjering til Pb2 og Pb3 i samsvar med gjeldande kompetansekriteriar for Pb2 og
Pb3. Vidare lønnsutvikling vil skje i samsvar med hovudtariffavtalane i staten.
Medlemskap i Statens pensjonskasse, med blant anna gode pensjons- og forsikringsordningar (www.spk.no)

Generelt
Politiet meinar at inkludering og mangfald er ein styrke. Me treng medarbeidarar med ulike kompetansar, bakgrunn, erfaring og perspektiv for å bidra til endå betre oppgåveløsning. Dersom det er mogeleg, så vil me tilretteleggja for medarbeidarar som har behov for det.

Dersom det er kvalifiserte søkjarar med funksjonsnedsetting, hol i CV-en eller innvandrarbakgrunn, så skal me innkalla minst ein søkjar i kvar av desse gruppena til intervju. For å bli vurdert som søkjar i disse gruppena, det vil sei positivt særbehandla på denne måten, må søkjar oppfylla visse krav.

For å ha eit godt vurderingsgrunnlag ber me deg om å registrera utfyllande CV i vår rekrutteringsportal og lasta opp relevante attestar og vitnemål. Dersom du har funksjonsnedsetting, hol i CV-en eller innvandrarbakgrunn, så oppfordrar me deg til å kryssa av for dette i rekrutteringsportalen vår. Avkrysningane legg grunnlag for anonymisert statistikk som alle statlege verksemder rapporterar på i sine årsrapportar.

Du kan lesa meir på arbeidsgjevarportalen https://arbeidsgiver.difi.no/positivsaerbehandling.

Opplysningar om deg kan bli offentliggjort sjølv om du har bedt om ikkje å bli ført opp på søkjarlista. Dersom anmodninga ikkje blir tatt til følgje, vil du bli varsla om dette.

Saksnr.: 25/42700

Kontaktinformasjon

Magne Straumstein, Politiinspektør, 46628080
Spørsmål om elektronisk søknad og CV, Seksjon for HR, 207.HR@politiet.no

Arbeidssted

Hafstadvegen 51
6800 Førde

Nøkkelinformasjon:

Arbeidsgiver: Vest politidistrikt

Referansenr.: 4918774048
Stillingsprosent: 100%
Fast stilling
Søknadsfrist: 17.03.2025

Informasjonskapsler på arbeidsplassen.no

Rapporter annonse