Om kontoret og laget

Vi held til i moderne og trivelege lokale i Florø. Kontoret består av to tilsette på bedriftsmarknad, fire på privatmarknad, to på eigedomsmekling og éin på kapitalforvaltning.

No søkjer vi ein bedriftsrådgjevar i Florø som vil vere med på den spanande satsinga vår i regionen.

Kva går jobben ut på?

I denne jobben får du ei sentral rolle i arbeidet med å utvikle banken vidare i regionen. Du vil jobbe aktivt med sal og relasjonsbygging, med mål om å identifisere nye forretningsmoglegheiter og bidra til vekst. Som rådgjevar for bedriftskundane våre blir du ein viktig sparringspartnar, og du skal sikre gode kundeopplevingar gjennom tett oppfølging og skreddarsydde løysingar.

Du vil få ansvar for å byggje langsiktige relasjonar og tilby finansieringsstrukturar som er tilpassa kvar enkelt kunde sine behov. I tillegg skal du utarbeide selskaps-, marknads- og kredittanalysar, og presentere desse for bankens besluttande organ. Målet er å skape høg kundetilfredsheit gjennom god rådgjeving og nærleik til kundane.

Kven er du?

Vi ser etter deg som trivst med å byggje relasjonar og som blir motivert av å skape tillit og langsiktig samarbeid. Du er sjølvstendig, men også ein god lagspelar som bidreg aktivt inn i teamet. Du har eit proaktivt engasjement og framstår trygg og kompetent i møte med kundane. Du forstår utfordringane deira og evnar å finne gode løysingar.

Du har høgare utdanning frå universitet eller høgskule, gjerne med vekt på økonomi og finans. Og viktigast av alt -- du er motivert og klar for å bli ein del av laget til Noregs beste sparebank.

Kva får du hos oss? I Sparebanken Norge får du meir enn berre ein jobb - du blir ein del av noko større.

Hos oss får du:

Eit lag som heiar på deg og vil at du skal lukkast
Eit inkluderande arbeidsmiljø med høg fagleg kompetanse og mykje humor
Fagleg og personleg utvikling gjennom Sterk start og interne satsingar
Tillit, ansvar og korte beslutningsvegar

Vi satsar i Florø -- og no kan du bli med på reisa!

Klar for å bli med på laget?

Er du klar til å vere med og forme framtida til Sparebanken Norge i Florø og Sogn og Fjordane? Då håpar vi å høyre frå deg! Søknader blir behandla fortløpande. Ta gjerne kontakt med Regiondirektør Bedriftsmarknad Sogn og Fjordane, Arild Sandvoll, for ein uforpliktande prat.

Arbeidsstad: Florø

Søknadsfrist: 21.11.2025

Vi bruker cookies

Rapporter annonse