Er du helsefagarbeidar og har lyst til å arbeide i nattpatrulja ved heimetenesta Edland/Haukeli?

Heimetenesta Edland/Haukeli søker etter ny medarbeidar i eit vikariat, då kollegaen vår skal ut i permisjon. Stillinga er nattarbeid i turnus, med arbeid annankvar helg. Vikariatet kan bli forlenga.

Nattpatrulja er ein del av heimetenesta ved Norheimstunet omsorgssenter. Omsorgssenteret er no under ombygging, og me utvidar med seks nye plassar som skal stå ferdige vår/sommar 2026. Me er også i gang med å implementere mentorprogrammet, og håpar me kan tilby deg som søkar ein mentor under vikariatet. Arbeidstidsordninga vår er under arbeid, og me planlegg oppstart av årsturnus i mars 2026.

I nattpatrulja har du ansvar for å rykke ut på alarmar, primært i sona Haukeli/Edland, men også samarbeide med andre soner. Utføre tilsyn hjå brukarar med vedtak på tenesta, og inne på omsorgssenteret, då i samarbeid med eksisterande nattevakt.

Me verdset eit godt arbeidsmiljø, og er stolte av arbeidsmiljøet vårt. Me har alltid brukar i fokus, og jobbar kontinuerleg for å betre tenestene. Me er opptatt av at alle, både tilsette og brukarar skal bli sett og høyrt.

Me ynskjer deg velkomen som søkjar hjå oss!

Arbeidsoppgåver

Utføre pleie- og omsorgsoppgåver, som personleg hygiene, påkledning og stell til bebuarar inne på omsorgssenteret, og til heimebuande jfr vedtak.
Sette i gang førebyggande og behandlande tiltak, innan eige ansvar og kompetanseområde.
Tilrettelegge for at brukarar opprettheld funksjonar, og opplever meistring i eigen situasjon.
Bistå brukar ved praktiske gjeremål, t.d i måltidssituasjon, forflytting og lettare husarbeid i brukaren sin heim.
Bruke elektronisk pasientjournal til å dokumentere gitt helsehjelp og endringar i brukarens helsetilstand.
Administrere og dele ut medisin til brukarar, og setje injeksjonar innan eige kompetanseområde. Det er eit krav om legemiddelhandteringskurs til desse oppgåvene.
Sørge for tryggleik, trivsel og verdighet i brukaren sin kvardag.
Ha fokus på godt samarbeid med pårørande, kollegaer og anna helsepersonell.
Bidra til eit godt arbeidsmiljø gjennom fagleg og personleg engasjement.

Kvalifikasjonar

Autoriasjon som helsefagarbeidar.
Relevant erfaring innan helse kan vege opp mot kravet om autorisasjon, dette vurderer me særskilt.
Erfaring frå liknande arbeid er ein fordel, men ikkje eit krav.
Grunna dokumentasjonsplikt blir det stilt krav til gode norskkunnskapar, både munnleg og skriftleg, minimum nivå B2. Dette må dokumenterarst ved behov.
Førarkort klasse B - du må ha køyreferdigheiter til å handtere fire årstider.
Grunnleggande IT-ferdigheiter for dokumentasjon og bruk av journalsystem.

Lovkrav om politiattest (ikkje eldre enn 3 mnd).

Personlege eigenskapar

Du er omsorgsfull og empatisk, du set brukaren sine behov i sentrum og møter dei med respekt og varme.
Du er ansvarsbevisst, du er påliteleg og tek ansvar for oppgåvene dine på ein strukturert måte.
Du er ein stabil arbeidstakar, du fullfører arbeidsoppgåver som forventa, og overheld arbeidsplaner og arbeidstid.
Du er fleksibel og tilpassingsdyktig, du handterar ulike situasjonar og kan tilpasse deg endringar i arbeidsoppgåver eller arbeidsmiljø.
Du er tolmodig, du har evna til å møte brukar med ulikt funksjonsnivå og tempo
Du har gode samarbeidsevner, du bidrar til eit godt arbeidsmiljø og jobbar godt saman med kollegaer, pårørande og anna helsepersonell.
Du kan ta initiativ og jobbe sjølvstendig når situasjonen krev det, innan eige kompetanseområde
Du har god kommunikasjonsevne, du kan uttrykke deg klart og tydeleg, både muntleg og skriftleg.
Du er positiv og løysingsorientert, du bidreg til eit godt miljø og ser moglegheiter framfor utfordringar.
Du har erfaringar og/eller interesse for velferdsteknologi.

Me legg vekt på personlege eigenskapar ved tilsetjing.

Vi tilbyr

Varierte arbeidsoppgåver
Løn etter lokal tariff
Gode læringsmiljø med gode kollegaer
Opplæring og rettleiing i tenesta
God forsikrings- og pensjonsordning
Aktivitetskortordning med gåvekort, og mogelegheit for å vinne flotte premiar

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta.

I samsvar med offentleglova § 25 kan namn på søkjarane offentleggjerast.

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Arnhild Romtveit, Avdelingsleiar, heimetenestene i øvre Vinje, +47 90042224

Arbeidsstad

Nøkkelinformasjon:

Arbeidsgivar: Vinje kommune

Referansenr.: 5018341434
Stillingsprosent: 93,66%
Vikar
Startdato: 01.12.2025
Sluttdato: 30.09.2026
Søknadsfrist: 08.10.2025

Informasjonskapsler på arbeidsplassen.no

Rapporter annonse