Om stillinga

I Vest politidistrikt, Felles eining for etterretning og etterforsking, Seksjon for etterforsking av økonomi-, miljø- og arbeidsmarknadskriminalitet, Avsnitt for etterforsking av økonomisk kriminalitet, er det ledig ei eller fleire faste stillingar som spesialetterforskar. Stillingane er plasserte i Bergen, og det må påreknast noko reiseverksemd i heile politidistriktet. Stadsplassering i Florø kan vurderast for aktuell kandidatar.

Avsnittet skal førebyggje, avdekkje og etterforske økonomisk kriminalitet, i tillegg til å gje fagleg støtte innan finansiell etterforsking til avdelingar i heile politidistriktet. Som tilsett i stillinga vil hovudoppgåva di vere etterforsking av økonomisk og anna profittmotivert kriminalitet. Det er forventa at du òg bidreg i etterretningsarbeidet gjennom systematisk innhenting av informasjon for å styrkje kunnskapsgrunnlaget innan fagfeltet.

Avsnittet består av etterforskarar med politi- og/eller økonomiutdanning, som arbeider sjølvstendig og i team med dyktige politiadvokatar for å handtere komplekse straffesaker. Vi tilbyr eit godt arbeidsmiljø med engasjerte og kompetente kollegaer og leiarar, som spelar kvarandre gode og ønskjer å gjere ein forskjell.

Vi er på jobb for eit trygt Noreg. Som ein del av politiet sitt viktige samfunnsoppdrag skal vi førebyggje og bekjempe kriminalitet, skape tryggleik og ivareta rettstryggleiken. Vi trur at mangfald bidreg til betre oppgåveløysing, og ønskjer difor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller i arbeidskvardagen, vil vi gjere vårt beste for å gje deg det du treng.

Dette ser vi etter hos ein ny medarbeidar

Vi ser etter motiverte personar som er interessert i å bekjempe
profittmotivert kriminalitet og som ønskjer å bidra i eit viktig
samfunnsoppdrag. Vi stiller høge krav til fagleg kompetanse, motivasjon, arbeidsmoral og integritet.

Vidare søkjer vi etter deg som opptrer profesjonelt og kan fungere som ein god ambassadør for politiet gjennom dine haldningar og handlingar. Evna til å vere trygg, nærverande og lyttande, og til å byggje tillit hos publikum, er avgjerande for å lukkast i vår organisasjon. Når vi vurderer kandidatar, legg vi mellom anna vekt på dette, samt evna til å bidra til eit inkluderande og respektfullt arbeidsmiljø.

Arbeidsoppgåver

Utføre etterforskingsoppgåver innanfor økonomisk kriminalitet, samt i andre saker som er
tillagt avsnittet og seksjonen
Ansvar for etterforsking og framdrift i eigne straffesaker
Utføre etterforskingsarbeid med tilrettelegging og utføring av ulike finansielle analysar, både ved
økonomiavsnittet og andre avdelingar innan andre fagfelt
Samarbeide med påtalemakta i retten
Andre oppgåver pålagt av overordna

Kvalifikasjonar

Dette må du ha for å vere kvalifisert:

Utdanning frå høgskule eller universitet på minimum bachelornivå eller tilsvarande, innan relevant
fagfelt
Minimum 3 års relevant arbeidserfaring
Relevant arbeidserfaring blir vektlagd og kan i særskilde høve kompensere for kravet til utdanning
Gode IT og systemkunnskapar
God munnleg og skriftleg framføring på norsk
God forståing for regnskap og finansiell rapportering

Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. Vi legg særleg vekt på at søkjaren er skikka til stillinga. Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju.

Det er også ønskjeleg med:

Arbeidserfaring frå politi eller anna offentleg/privat kontroll/tilsynsverksemd
Utdanning på masternivå innan økonomi eller anna relevant fagfelt
Relevant kurs/etterutdanning
Erfaring frå etterforsking av straffesaker med inndraging og sikring av verdiar

Personlege eigenskapar

Gode kommunikasjonsevner og god til å bygge relasjonar
Høg etisk integritet
Strukturert, analytisk og initiativrik
Ha evne til å omstille seg raskt i ein hektisk arbeidskvardag

Vi legg vekt på at søkjaren er personleg eigna for stillinga.

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattforma her (https://www.politiet.no/om-politiet/jobb-i-politiet/medarbeiderplattform/).

Dette kan vi tilby om du vel oss

Ein utfordrande og spanande arbeidsplass for deg som vil vera med på å forma framtidas politi
Eit arbeidsmiljø med engasjerte og dyktige kollegaer
Stillinga vert lønna som spesialetterforskar (stillingskode1552) frå 760.00,- brutto pr. år. Kompensasjon for uregulert arbeidstid (ATB) på kr 44.708,- pr. år kjem i tillegg. Vidare lønnsutvikling vil skje i henhold til hovudtariffavtalane i staten.
Medlemskap i Statens pensjonskasse, med blant anna gode pensjons- og forsikringsordningar (www.spk.no)
Moglegheit for trening i arbeidstida

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten ).

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Rapporter annonse