Med våre over 6000 tilsette er Vestland fylkeskommune ein av dei største arbeidsstadane i fylket. Vi har ansvaret for 5547 km med fylkesveg, 278 tunnelar, 1988 bruer, 30 ferjesamband.

Avdeling Infrastruktur og veg skal sikre ein framtidsretta infrastruktur, med mål om å betra samband internt i regionen og gode kommunikasjonar mot resten av landet.
Vi er ein av landets største byggherrar innan samferdsle, og vi har mange spanande investerings- og vedlikehaldsprosjekt i åra som kjem.

For å styrke vårt fagmiljø på geo og skredseksjonen, søker vi no etter ein dyktig og erfaren person som har kompetanse innan geoteknikk og vegteknologi. Vedkommande vil med sin fagkompetanse bli ein sentral person når vi skal realisere spanande nye samferdsleprosjekt og utføre viktige drift- og vedlikehaldsoppgåver på våre fylkesvegar.

Geo og skredseksonen består i dag av eit kompetent fagmiljø innan geoteknikk, ingeniørgeologi, vegteknologi og skred. Vi er i dag 5 geoteknikarar, 7 ingeniørgeologar, 2 vegteknologar og 1 dak-operatør som er fordelt på våre kontorstadar i Leikanger, Voss og Bergen.

For denne stillinga vil kontorstaden vere Leikanger, men Bergen kan og vere aktuell kontorstad for kvalifiserte søkarar.

Om stillinga

Som geoteknikar/vegteknolog på geo og skredseksjonen vil du få stort ansvar med utfordrande og interessante arbeidsoppgåver, men til gjengjeld gjev me deg mykje friheit og fleksibilitet i arbeidskvardagen. Me har forståelse for at jobben ikkje skal ta all di tid, men at du og treng tid til å oppleve den flotte naturen me har rundt oss, levere i barnehage og skule eller jobbe heimefrå når du har behov for det. Me er oppteken av at du har ein fin balanse mellom jobb og fritid. Du vil bli del av eit stort og veletablert fagmiljø innan samferdsle som består av 380 medarbeidarar innan fleire fagområder, og du vil jobbe med geotekniske og vegteknologiske prosjektoppdrag både innan investering, vedlikehald og drift. Noko reiseaktivitet må påreknast.

Typiske arbeidsoppgåver vil vere:

Geoteknikk:

Geotekniske oppgåver knytt til vegar, tunnelar, bruer, ferjekaier og rassikring.
Geoteknisk prosjektering og rådgjeving i alle planfasar.
Utarbeide borplanar og følgje opp grunnundersøkingar i felt.
Anleggsoppfølging av fagområde geoteknikk i utbyggingsprosjekt og ved drift- og vedlikehaldsoppdrag.
Vurdering av stabilitet og bereevne ved skråningar, utgravingar og fyllingar.
Bestille grunn- og laboratorieundersøkingar.

Vegteknologi:

Fagleg rådgjeving og prosjektering av vegoverbygning i alle planfasar.
Vurdere materialkvalitet til fjell/lausmasser i linja.
Gjennomføre forsterkningsplanlegging og bistå med oppfølging/kvalitetskontroll under bygging.
Vurdere tilstand på eksisterande veg basert på lokalkunnskap og befaringar.
Utarbeide forsterkningsplan med forsterkningsmetode basert på undersøkingar, visuelle vurderingar og kjent kunnskap

Hjå oss kan du forvente

Arbeidsmiljøundersøkingar syner at vi har eit veldig godt arbeidsmiljø med engasjerte og kompetente medarbeidarar som trivst saman på jobb og utfordrar kvarandre fagleg. Vi har eit sterkt fagmiljø som er gode på kunnskapsdeling og inkludering, og det er gode mogelegheiter for både fagleg og personleg utvikling.

Desse kvalifikasjonane og eigenskapane ser vi etter

Relevant høgare utdanning på masternivå innan geoteknikk og vegteknologi frå universitet eller høgskule.
Relevant erfaring og gode resultat frå arbeidsområdet. Det er ønskjeleg med minst 3 års erfaring frå geoteknisk og/eller vegteknisk arbeid, men vi oppfordrar også nyutdanna til å søke.
God kjennskap til digitale verktøy.
God norsk munnleg og skriftleg framstillingsevne.
Førarkort kl. B

Personlege eigenskapar

Som medarbeidar på geo og skredseksjonen forventar vi at du har gode samarbeidsevner og kan utføre arbeidsoppgåvene dine på ein sjølvstendig og systematisk måte. Du har stå-på-vilje og er god på å dele kunnskap med kollegaane dine. Vi ønskjer at du er initiativrik og modig, engasjert og resultatorientert, og vil bidra til eit godt arbeidsmiljø.

Vi kan tilby

Ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
God tilgang til faglege nettverk og fagleg utvikling - mogelegheit for vidareutdanning
Variert arbeidskvardag og meiningsfulle arbeidsoppgåver.
Tillitsbasert leiing der du raskt vil få ansvar.
Fleksibel arbeidstid.
Attraktive pensjons- og forsikringsordningar.
Løn etter avtale.
Nye og moderne kontorfasilitetar på alle kontorstader.

Har du spørsmål til stillinga eller ønskjer meir informasjon, er du velkomen til å kontakte seksjonsleiar på geo og skredseksjonen - Stein Olav Njøs - på telefon; 95191855.

Anna informasjon
Administrasjonsmålet i fylkeskommunen er nynorsk. Stillingstittel vil bli tilpassa kvalifikasjonane til dei som får tilbod om stilling.
Alle nytilsetjingar i fylkeskommunen blir gjort med ei prøvetid på 6 månader. Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.

Kontaktinformasjon

Stein Olav Njøs, leiar, 95191855

Arbeidsstad

Askedalen 2
6863 Leikanger

Nøkkelinformasjon:

Arbeidsgivar: Vestland fylkeskommune

Referansenr.: 4907424558
Stillingsprosent: 100%
Fast
Søknadsfrist: 13.04.2025

Informasjonskapsler på arbeidsplassen.no

Rapporter annonse