Om stillinga

NGIR Næring AS søkjer ein engasjert og relasjonsbyggjande kunderådgjevar som vil vere med å utvikle framtidas løysingar for avfallshandtering og sirkulær økonomi. Du vil få ei sentral rolle i dialogen med næringskundar, og bidra til å styrke både kundetilfredsheit og miljøresultat.

Arbeidsoppgåver

I denne stillinga vil du rettleie kundar om sortering, tenester og pris, i tråd med gjeldande regelverk og avtalar. Du vil gi faglege råd om både ordinært og farleg avfall, og ha ansvar for å selje og marknadsføre tenester som containerutleige, bedriftsavtalar og spesialhenting. Du vil følgje opp kundar over tid og byggje langsiktige relasjonar.

Du vil bidra til haldningsskapande arbeid og auka sorteringsgrad, samarbeide tett med andre avdelingar i konsernet, og utføre statistikkarbeid og administrativ sakshandsaming.

Kven er du?

Du er ein person som trivst med å jobbe med menneske, og som har eit sterkt servicefokus. Du kommuniserer klart, lyttar aktivt og møter kundar med respekt og løysingsvilje. Du har eit ekte engasjement for berekraft og ønskjer å bidra til gode og framtidsretta løysingar for både kundar og samfunn.

Du jobbar strukturert og sjølvstendig, men trivst også med samarbeid og kunnskapsdeling. Du er tilpassingsdyktig, handterer endringar og nye oppgåver med ei positiv innstilling og har god digital kompetanse.

Vi ser gjerne at du har relevant fagbrev, fagskule eller høgare utdanning innan sal, kundeservice, miljøfag eller liknande. Erfaring frå sal, kundebehandling eller serviceyrke er ønskjeleg, og kjennskap til avfallsregelverk og renovasjonsordningar vil vere ein fordel. Du må meistre norsk godt, både munnleg og skriftleg, og vere komfortabel med at administrasjonsspråket er nynorsk.

Kva får du hos oss?

Hos NGIR Næring AS får du meir enn berre ein jobb -- du blir ein del av eit fellesskap som jobbar for noko større. Vi tilbyr ei meiningsfull rolle der du får vere med og påverke utviklinga av berekraftige løysingar for næringslivet i regionen. Du får høve til å bruke både fagkunnskap og kreativitet i møte med kundar, og du vil oppleve at arbeidet ditt har reell verdi -- både for miljøet og for samfunnet.

Du blir ein del av eit inkluderande og uformelt arbeidsmiljø med høg fagleg kompetanse og stort engasjement. Vi legg vekt på samarbeid, trivsel og utvikling, og du får støtte frå dyktige kollegaer som spelar kvarandre gode. Vi tilbyr konkurransedyktige vilkår, fleksibilitet i kvardagen og gode moglegheiter for fagleg og personleg vekst.

Hos oss får du rett og slett ein jobb du kan vere stolt av -- i eit selskap som tek berekraft på alvor og som har ambisjonar for framtida.

Informasjonskapsler på arbeidsplassen.no

Rapporter annonse