Om stillinga

I Vest politidistrikt, for tida ved Geografisk driftseining Bergen, Askøy og Øygarden er det ledig ei fast stilling som politiførstebetjent (stillingskode 0285) med funksjon som teamleiar ved Avsnitt for generell etterforskning i Bergen sentrum.

GDE Bergen, Askøy og Øygarden er organisert i fem politistasjonsdistrikt: Bergen Sør politistasjonsdistrikt, Bergen Nord politistasjonsdistrikt, Bergen Vest politistasjonsdistrikt, Askøy og Øygarden politistasjonsdistrikt og Bergen sentrum politistasjonsdistrikt. Bergen sentrum består av 5 politipatruljeavsnitt, Avsnitt for generell etterforskning og Avsnitt for kriminalitetsførebyggjande. I tillegg består eininga av Seksjon for vald - og seksuelle overgrep og Seksjon for innsatsleiing og operativ planlegging. Avsnitt for generell etterforskning består av ein avsnittsleiar og 3 team med ein teamleiar og 3-4 etterforskare. Teamet samhandlar tett med 2 faste påtalejuristar.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter motiverte personar som er interesserte i å møte utfordringar knytt til kriminalitetsnedkjemping. Vi stiller høge krav til fagleg kompetanse, motivasjon, arbeidsmoral og etisk integritet.

Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom haldningane og handlingane sine i det daglege arbeidet. Evna til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.

I vår vurdering av kandidatar er mellom anna dette noko vi vil leggje vekt på i tillegg til evna til å bidra til eit inkluderande og respektfullt arbeidsmiljø.

Arbeidsoppgåver

Koordineringsansvar og ansvar for å utføre etterforskingsoppgåver og politifagleg etterforskingsleiing i saker som faller inn under avsnittets fagområde
Medansvarleg for god porteføljestyring i tråd med føringar frå avsnittsleiar
Fordele arbeidsoppgåver og påse at sakene ferdigstilles med avtalt kvalitet innan fastsett frist
Utføre fagleg rettleing og aktiv kunnskapsdeling overfor etterforskarar internt på avsnittet
Utarbeide etterforskingsplanar i samråd med påtaleansvarleg i saker som siles frå FSI i saksuke.
Bidra til fleksibel bruk av ressursane ved avsnittet
Rettleie og motivere medarbeidarane
Bidra til effektiv og tydeleg kommunikasjon med medarbeidarar i eigen og andre seksjonar
Medansvarlig for obligatorisk årleg opplæring (OÅO)
Andre arbeidsoppgåver etter nærmare ordre frå leiar

Kvalifikasjonar

Dette må du ha for å vere kvalifisert:

Vitnemål frå Politiskulen/Politihøgskulen
Minimum 3 års relevant erfaring
Brei erfaring frå etterforsking av straffesaker
God skriftleg og munnleg formuleringsevne på norsk og engelsk
God kjennskap til politiets IT-systemer
Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41.

Det er også ønskjeleg med:

Relevant utdanning innan etterforsking og leiing
Relevant leiarerfaring

Personlege eigenskapar

Stor arbeidskapasitet, stor motivasjon og interesse for etterforskingsleiing
Gode samarbeids- og kommunikasjonsevnar
Evne å byggje gode relasjonar og motivere andre
Være fleksibel og endringsvillig
Gode sosiale evner som fremmer eit godt arbeidsmiljø
Evne å jobbe effektivt i eit hektisk arbeidsmiljø
Samfunnsorientert med evne til å tenkje heilskap, forstå eige rolle i eininga og eininga si rolle i samfunnsoppdraget til politiet

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

Stillinga vert lønna som politiførstebetjent (SKO 0285) med funksjon som teamleiar frå kr 700.000,- brutto per år.
Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no
Gode arbeidsvilkår (turnus, trening i arbeidstida, o.l)

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her.

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Cookies for en trygg og bedre tjeneste

Rapporter annonse