Vil du vere med og utvikle eit nytt behandlingstilbod innan psykisk helsevern?

Divisjon psykisk helsevern i Helse Bergen etablerer no ein ny lukka sengepost med 8 plassar i Sandvikenområdet – den første byggesteinen i utviklinga av Program Psykisk helsevern for framtida -Nye Sandviken. Dette markerer starten på eit nytt kapittel for området, der vi skal utvikle eit langsiktig og heilskapleg tilbod til pasientar med samansette behov.

Sengeposten skal tilby behandling til pasientar med alvorlege psykiske lidingar, der nokre også har utfordringar knytt til vald og rus. Pasientane på dette behandlingsnivået vil ha behov for stabilisering og rehabilitering. Pasientgruppa vil vere samansett, og det faglege tilbodet breitt.

Vi søkjer no ein overlege (psykiater) som ønskjer å vere med og bygge opp og utvikle tilbodet frå starten av.

Om stillinga
Som overlege vil du ha ei sentral rolle i utgreiing, behandling og fagleg utvikling. Du vil bidra til å forme rutinar og pasientforløp, og samarbeide tett med faggrupper frå både Psykiatrisk klinikk og Klinikk sikkerheitspsykiatri. Den nye sengeposten er ein del av ei ny eining som er etablert som eit samarbeid mellom dei to klinikkane, med mål om å utvikle eit framtidsretta og heilskapleg behandlingstilbod for pasientar med samansette behov. Eininga er i dag organisert under Klinikk sikkerheitspsykiatri, som er under utvikling og på sikt vil få eit breiare fagleg innhald i tråd med utviklinga av Nye Sandviken.

Arbeidsoppgåver

Inngå i tverrfaglege team kor utgreiing, diagnostisering og behandling og rehabilitering av pasientar vert gjennomført i tråd med overordna krav og nasjonale føringer
Vere ansvarleg for vedtak etter psykisk helsevernlov
Gjere utgreiing av risiko for vald
Yte medisinskfagleg rettleiing og bistand i dei tverrfaglege teama ved sengeposten, med særleg fokus på miljøterapeutisk tilnærming
Delta og bidra i utviklingsarbeid
Veileder for LIS
Ha utstrekt samarbeid i Divisjon psykisk helsevern i Helse Bergen, primærhelsetenesta og kommunale butilbod
Bidra med undervisning og rettleiing til kommunale helsetenester og annan spesialisthelseteneste
Bidra til eit godt arbeidsmiljø med fokus på kompetanseheving og fagleg utvikling
Det kan bli aktuelt å ha utgreiings-og/eller behandlingsansvar for pasientar ved andre seksjonar i klinikken

Kvalifikasjonar

Norsk autorisasjon som lege
Spesialist i vaksenpsykiatri
Erfaring frå døgnpost, sikkerheitspsykiatri og/eller psykiatrisk rehabilitering er ønskjeleg
Dokumentert interesse for rehabilitering og/eller rettspsykiatriske emne vil vere ein fordel
Gode norskkunnskaper, både muntleg og skriftleg
Vandelsattest må leggjast fram ved tilsetjing

Personlege eigenskapar

Du er positiv, inkluderande og har eit godt lag med folk
Du har evne til å inspirere, rettleie og engasjere medarbeidarar
Du kommuniserer godt og bygg tillit i møte med pasientar, pårørande og kollegaer
Du trivst i tverrfaglege team og meistrar høgt tempo og krevjande situasjonar
Du er strukturert, målretta og arbeider godt både sjølvstendig og i samarbeid med andre
Du er fleksibel, løysingsorientert og tilpassar deg lett nye situasjonar
Du har god fagleg vurderingsevne og held deg roleg og profesjonell under press
Du viser respekt, empati og profesjonalitet i møte med pasientar
Du har eit sterkt engasjement for fagfeltet og ønskjer å vidareutvikle kompetansen din
Du bidreg aktivt til eit godt og utviklande arbeidsmiljø

Personlege eignaheit vil bli vektlagt ved tilsetjing

Vi tilbyr

Spennande og utfordrande arbeidsoppgåver i eit fagfelt med gode utviklingsmoglegheiter for den rette personen
Samarbeid med erfarne spesialistar
Moglegheit for å bidra til å utvikle tverrfaglege team knytt til psykiatrisk behandling og rehabilitering
Moglegheit for å drive med systematisk utviklingsarbeid, med høve til å delta i forsking
Løn etter avtale
Gode pensjons- og forsikringsordningar
Barnehage i nærområdet, drifta av Helse Bergen
Arbeidsstad i Sandvikenområdet- Nye Sandviken
For interne søkjarar i Divisjon Psykisk Helsevern; Moglegheit for permisjon frå noverande stilling

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Marthe Halvorsen Kjærstad, Konst. avdelingssjef, 90936016
Susanne Karlsen, Konst. ass. avdelingssjef, 48110709, susanne.karlsen@helse-bergen.no
Cecilie Engelsgjerd Eikestad, Seksjonsleiar, 55958878, cecilie.engelsgjerd.eikestad@helse-bergen.no

Arbeidsstad

Sandviksleitet 1
5036 Bergen

Nøkkelinformasjon:

Arbeidsgivar: Helse Bergen HF

Referansenr.: 5025078736
Stillingsprosent: 100%
Fast
Søknadsfrist: 02.11.2025

Cookies for en trygg og bedre tjeneste

Rapporter annonse