Kvifor søke jobb som helsefagarbeidar ved Luranetunet

Luranetunet bu- og behandlingssenter ser på ulike måtar å organisere arbeidet på for å sikre kvalitet i tenestene og ha rett kompetanse på rett plass. Vi treng deg som ønskjer å være med å vidareutvikle denne måten å jobbe på og ser moglegheiter framfor begrensingar. Fleire avdelingar på Luranetunet har nå ledig stilling for helsefagarbeidar.

Som tilsett på Luranetunet bu- og behandlingssenter vil du få varierande arbeidskvardagar, brei erfaring og kunnskap innan mange ulike område. Du får jobbe tverrfagleg og blir godt kjent med alle yrkesgrupper. Samtidig må du vera førebudd på å bruka kompetansen din der behovet til ei kvar tid er størst.

Vi tilbyr:

eit lærande miljø med mange elevar, studentar og lærlingar
gode vilkår for stønad til vidareutdanning, samtidig som vi prøver å legge til rett for at det er mogeleg å ta vidareutdanning ved sida av jobb.
eit godt arbeidsmiljø med kollegaer som støttar kvarandre
gunstige pensjons- og forsikringsordningar

Kven ser vi etter?
Vi ser etter deg som:

har autorisasjon som helsefagarbeidar (gjerne med relevant vidareutdanning)
har eit hjarte som bankar ekstra for eldreomsorg
ser kva for oppgåver som er viktige i arbeidet med å aktivisera og stimulera bebuarane for å få fram glede og trivsel i kvardagen, og som evnar å utføre god pleie når livet nærmar seg slutten.
er fagleg engasjert og oppteken av læring og utvikling
er trygg, ansvarsfull og har gode samarbeidsevner
er bevisst haldningane dine og set respekt, lojalitet og etikk høgt
bidrar positivt inn i arbeidsmiljøet og er villig til å bidra på andre andre avdelingar når det trengs

Om arbeidsplassen
Luranetunet bu- og behandlingssenter ligg berre nokre minutt frå Bergen og har 175 plassar fordelt på 2 korttidsavdelingar og 7 langtidsavdelingar. Vi har både rehabilitering, behandling og avdelingar spesielt tilrettelagt for personar med demens.

Hos oss står bebuarane sine livshistorier og behov i sentrum – vi prøver å sjå personen bak sjukdommen. Vår visjon er «Varme og vekst i samspel», noko som speglar både omsorga for bebuarane, utviklingsmoglegheitene for dei tilsette og det gode miljøet i og rundt tropehagen vår på 1300 m².

Skriv gjerne i søknaden om du har ønske om å jobbe på ei bestemt avdeling.

Vil du lesa meir om Luranetunet bu- og behandlingssenter sjå vår heimeside:
Luranetunet bu- og behandlingssenter - Bjørnafjorden kommune (bjornafjorden.kommune.no)

Praktisk informasjon

Vi ønskjer fortrinnsvis søkjarar i store stillingar, men er fleksible på stillingsstorleik
Søkjarar må ha gode norskkunnskapar, både munnleg og skriftleg
Utanlandsk utdanning må vere godkjend av Direktoratet for høyere utdanning og kompetanse (HK-dir): https://hkdir.no/utdanning-fra-utlandet
Politiattest må leggast fram før oppstart
Vi arbeidar for å få etablert heiltidskultur i kommunen
Søknader blir vurderte fortløpande, så send søknad snarast

Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø.Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn.

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert teke til følgje vil søkaren varslast om dette.

Vi vil aldri be søkjar om å oppgi BANK-ID informasjon i søknadsprosessen.

Link til søknadsskjema: Søk her

Vi bruker cookies

Rapporter annonse